राज्यात मान्सूनपूर्व पाऊस सक्रीय झाला असून येत्या काही दिवस हवामानात लक्षणीय बदल होण्याची शक्यता भारतीय हवामान विभागाने वर्तविली आहे. दक्षिण अरबी समुद्र, मालदीव-कोमोरिन भाग, दक्षिण बंगालचा उपसागर, अंदमान बेटे आणि पूर्व-मध्य बंगालच्या उपसागरात मान्सूनने प्रवेश केला आहे. या प्रभावामुळे राज्यभर ढगाळ हवामान, मेघगर्जना, विजांचा कडकडाट आणि सोसाट्याच्या वाऱ्यासह पावसाची शक्यता निर्माण झाली आहे.