Video : नाताळ निमित्त विकएंडला बाहेर पडलेले पुणेकर अडकले कोंडीत

खेड-शिवापूर(पुणे) : नाताळाच्या सुट्ट्या एन्जॉय करण्यासाठी शनिवारी सकाळपासूनच पुणेकर मोठ्या संख्यने बाहेर पडले आहेत. त्यामुळे आज सकाळपासूनच पुणे-सातारा रस्त्यावर मोठ्या प्रमाणात वाहनांची गर्दी झाली असून खेड-शिवापूर टोल नाक्यावर वाहनांच्या सुमारे दोन किलोमीटर रांगा लागल्या आहेत. तसेच टोल नाक्यावरील फास्टॅग यंत्रणेचा बोजवारा उडाला असून प्रवाशांना गैरसोईला सामोरे जावे लागत आहे. 

पुण्यात महावितरणचा कारभार; ट्रान्स्फॉर्मरसाठी बिल्डरांकडून हात ओले
नाताळ निमित्त विकएंडला बाहेर पडले पुणेकर
नाताळ सण दोन दिवसांवर येऊन ठेपला आहे. त्यातच विकएंडची संधी साधून शनिवारी सकाळपासूनच नागरिक नाताळच्या सुट्ट्या एन्जॉय करण्यासाठी बाहेर पडले आहेत. त्यामुळे पुणे-सातारा रस्त्यावर वाहनांची मोठ्या प्रमाणात गर्दी आहे. त्याचा परिणाम खेड-शिवापूर टोल नाक्यावर वाहनांच्या सुमारे दोन किलोमीटर रांगा लागल्या आहेत. वाहनांची रांग पाठीमागे बंगला चौकापर्यंत गेली आहे. 

पुण्यात समान पाणीपुरवठ्यासाठी फेरनिविदा? 
फास्टॅग यंत्रणेचा उडाला बोजवारा: पुणेकर अडकले कोंडीत
नाताळच्या सुट्ट्या एन्जॉय करण्यासाठी निघालेल्या नागरिकांचा टोल नाक्यावरील वाहतूक कोंडीत मोठा वेळ वाया जात असल्याने प्रवासी नाराजी व्यक्त करत आहेत. त्यात या टोल नाक्यावर आठवड्यापूर्वी फास्टॅग यंत्रणा सुरु करण्यात आली आहे. मात्र फास्टॅगधारक वाहनांच्या तुलनेत फास्टॅग नसलेल्या वाहनांची जास्त संख्या, फास्टॅग मार्गिकेतूनच जाणारी इतर वाहने यामुळे फास्टॅग यंत्रणेचा बोजवारा उडाला आहे. त्यामुळे पुणे-सातारा रस्त्यावरुन प्रवास करणाऱ्या प्रवाशांना येथील वाहतूक कोंडीत अडकावे लागत असल्याने नागरिक नाराजी व्यक्त करत आहेत.
पुण्यात मेट्रो जूनमध्ये धावणार