जुन्नरमध्ये आढळला `हा` मनमोहक दुर्मिळ सरडा

lizard.jpg
lizard.jpg

पिंपळवंडी (पुणे) : भारतात सरड्यांच्या 15 प्रजाती आढळतात. त्यात माळ सरडा हा दिसायला देखणा असणारा रंगबिरंगी गळ्याचा सरडा खूप लोकप्रिय आहे. तसा माळ सरडा पूर्ण भारतात आणि भारतीय उपखंडात सर्वत्रच आढळतो. उन्हाळ्यात त्यांचा मिलन काळ असल्याने सहज दृष्टीसही पडतो. उन्हाळ्यात या सरड्याची दिसणारी निळी काळी लाल मान उंच करत एखाद्या खडकावर बसलेला हा माळ सरडा आपल्याला खूपदा पहावयास मिळतो. 

जुन्नर तालुक्‍यात माळ सरडा बहुतेक वेळा माळरानावर नेहमी आढळायचा. परंतु, आता याच प्रमाण कमी झालं आहे आणि काही ठराविक ठिकाणीच माळ सरड्याचे दर्शन होताना दिसत. जुन्नर तालुक्‍यातील प्राणी अभ्यासक आकाश डोळस यांनी सांगितले की याच्या डोक्‍याचे तसेच शरीरावरचे खवले लहान असतात पण दिसताना अणकुचीदार दिसतात.

शेपटी गोलाकार असते. या प्रजातींची जास्तीत जास्त लांबी 8 इंच इतकी असते आणि त्यापैकी शेपटीच जेमतेम 5 इंच भरते. नर सरडा मानेवरचा भडक रंग दाखवून मादीला मिलनासाठी आकर्षित करतात. ज्या सरड्याचा रंग अधिक भडक असेल तो तंदुरुस्त ठरवला जातो आणि मादी त्याबरोबर मिलन करते पण कधीकधी या सरड्यांमध्ये मिलनासाठी द्वंद्वयुद्धही पहावयास मिळते. 

पुण्यातील इतर बातम्या वाचण्यासाठी येथे- क्लिक करा 

जणू हाताने वारा घालण्याचा पंखाच जणू... 
दगडावर नाग सारखा फणा वर उचलून हा लहान रंगीत सरपटणारा प्राणी म्हणजे माळ सरडा मिलन काळात जास्तच दृष्टीस पडतो. नर सरड्याच्या घशावरून एखादा त्वचेचा तुकडा लोंबल्यासारखा दिसतो आणि जेव्हा त्यांचा डेटिंग गेम सुरू होतो तेव्हा तो त्वचेचा निळा काळा लाल अशा रंगाचा सैल झालेला तुकडा ते पुढे घेतात आणि तो जणू काही हाताने वारा घालण्याचा पंखाच आहे की काय असा भास होतो बहुतेक याच कारणावरून त्याला fan-throated असे नाव पडले असावे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com