मेफेड्रोन विक्रीसाठी आलेल्या व्यक्तीला अटक, 21 ग्रॅम मेफेड्रोन जप्त

पुणे - शहरातील मेफेड्रोन हा अंमली पदार्थ विक्री करण्यासाठी आलेल्या व्यक्तीला अमंली पदार्थ विरोधी पथकाने अटक केली. त्याच्याकडून लाख तीन लाख 7 हजारांचे 21 ग्रॅम मेफेड्रोन (एमडी) जप्त करण्यात आले आहे.

शम्स महम्मद अली झवेरी ( वय 60, रा. काशीमिरा,मिरा रोड,ईस्ट,मुंबई) असे अटक केलेल्याचे नाव आहे. पोलिसांनी दिलेल्या माहितीनुसार, अंमली पदार्थ विरोधी पथकाचे वरिष्ठ पोलीस निरीक्षक विनायक गायकवाड व त्यांचे पथक सिंहगड रोड पोलिस ठाण्याच्या हद्दीत गस्त घालत होते. त्यावेळी वडगावमधील नवले पुलाकडे जाणाऱ्या सेवा रस्त्यावरील रस्त्यावर शम्स झवेरी हा फिरत असताना निदर्शनास आले. त्यावेळी संशयावरुन त्यास ताब्यात घेतले, तेव्हा त्याच्याकडे 21 ग्रॅम मेफेड्रोन आढळून आले. सहायक पोलिस निरीक्षक लक्ष्मण ढेंगळे, मनोज साळुंके, राहुल जोशी, रेहाना शेख यांच्या पथकाने हि कामगिरी केली.