पुणे : भाऊंना पार्टीत सामिल केले नाही, म्हणून भाऊंनी काय पराक्रम केला पहा

लोणी काळभोर (पुणे) : कौंटुबिक पार्टीत सहभागी करुन घेत नसल्याच्या कारणावरुन पार्टीत सहभागी होऊ पाहणाऱ्या अनोळखी व्यक्तीकडून, पार्टी करणाऱ्या पती-पत्नीस बेदम मारहाण करण्यात आल्याची घटना उरुळी देवाची (ता. हवेली) हद्दीत घडली. 

भेसळीचा संशय आल्याने तब्बल ९ लाखाचा तूप साठा जप्त   

कौंटुबिक पार्टीत सहभागी करुन घेत नसल्याच्या कारणावरुन शंकर दास (वय ३२) व ममता शंकर दास (वय २७, रा. शिवशंभो पार्क, उरुळी देवाची, ता. हवेली) असे मारहाण झालेल्या पती-पत्नीचे नाव असून, या प्रकरणी ममता दास यांनी दिलेल्या तक्रारीवरुन लोणी काळभोर पोलिसांनी राजा थोरात (रा. शिवशंभो पार्क, उरुळी देवाची ता. हवेली) याच्या विरोधात गुन्हा दाखल केला आहे.

- ताज्या बातम्यांसाठी डाऊनलोड करा ई-सकाळचे ऍप

लोणी काळभोरचे वरिष्ठ पोलिस निरीक्षक सुरज बंडगर यांनी दिलेल्या माहितीनुसार, शंकर दास व त्याच्या काही मित्रांनी एकत्र येऊन, तिन दिवसांपूर्वी कौंटुबिक पार्टी करण्याचे नियोजन केले होते. पार्टीचे नियोजन चालू असतानाच, उरुळी देवाची ग्रामपंचायत हद्दीत राहणाऱ्या राजा थोरात या व्यक्तीने शंकर दास व त्यांचे मित्र करत असलेल्या पार्टीत सहभागी करुन घेण्याबाबत शंकर दास यांना विनंती केली. मात्र राजा थोरात हा शंकर दाससह सर्वानाच अनोळखी असल्याने, शंकर दाससह सर्वांनीच राजा थोरात यास पार्टीत सहभागी करुन घेण्यास नकार दिला. हा राग मनात ठेऊन राजा राऊत याने मंगळवारी (ता. १५) शंकर दास यास उरुळी देवाची हद्दीत बंद पडलेल्या एका सिमेंटचे पाईप कंपनीच्या आवारात हाताने व लाथाबुक्क्यांनी मारहाण केली. तसेच मारहाणीदरम्यान राजा थोऱात याने शंकर दास यांना घरी येऊन पुन्हा मारहाण करण्याची धमकी दिली होती.

डॉक्‍टर तरुणाला ३० लाख १० हजारांचा ऑनलाइन घातला गंडा

दरम्यान बुधवारी (ता. १६) सकाळी साडेसहा वाजण्याच्या सुमारास शंकर दास कामावर जात असताना, राजा थोरात याने शंकर दास यांना उरुळी देवाची हद्दीतील मेमाणे बिल्डिंगच्या येथे पुन्हा मारहाण केली. मारहाण चालू असताना शंकर दास यांच्या पत्नी, ममता भांडणे सोडविण्यासाठी आल्या असता, राजा थोरात याने ममता यांनाही बेदम मारहाण केली. यावर ममता यांनी या प्रकरणाची तक्रार लोणी काळभोर पोलिसांत दिली. दरम्यान तक्रार दाखल झाल्याची माहिती मिळताच, राजा थोरात फरार झाला आहे.

(संपादन : सागर डी. शेलार)