Mandhardevi Temple : मांढरदेवीचे मंदिर गुरुवारपर्यंत राहणार बंद

भोर - मांढरदेव (ता. वाई जि. सातारा) येथील श्री काळुबाई देवीचे (मांढरदेवीचे) मंदिर रविवार (ता .७) ते गुरुवार ता . ११) या पाच दिवसांकरिता बंद ठेवण्यात आले आहे. मांढरदेव देवस्थान ट्रस्टच्या वतीने अशा आशियाचे निवेदन प्रसिद्ध दिले आहे.

मांढरदेवी मंदिराकडे जाणाऱ्या मुख्य रस्त्याच्या कॉंक्रिटीकरणाचे काम सुरू असल्यामुळे भाविकांना वजा करण्यास त्रास होत आहे. या कामामुळे अपघाताचा धोका होऊ नये यासाठी सुरक्षिततेचा उपाय म्हणून रविवारी ७ जानेवारी ते गुरुवार ११ जानेवारी पर्यंत मंदिर दर्शनासाठी बंद करण्यात आले आहे. देवीचे मंदिर हे शुक्रवारी ११ तारखेपासून पासून भाविकांना दर्शनासाठी खुले करण्यात येणार आहे.

दरम्यान कापूरहोळ- भोर ते मांढरदेवी या मार्गाच्या कॉंक्रिटीकरणाचे कामही युद्धपातळीवर सुरू आहे. त्यामुळे मांढरदेवीच्या दर्शनासाठी जाणाऱ्या भाविकांना अधिक वेळ लागत आहे. परंतु पाच दिवस मंदिर बंद असल्यामुळे या मार्गावरील कामही वेगाने सुरू राहणार आहे.