मंगळवेढ्यात जि प व पंचायत समितीसाठी दोन दिवसात 84 अर्जाची विक्री

चार जागांसाठी
४६ अर्जांची विक्री

मंगळवेढा ता. १७ : तालुक्यात जिल्हा परिषदेच्या चार जागांसाठी दोन दिवसांत ४६ अर्जाची विक्री झाल्यामुळे तालुक्यातील राजकीय वर्तुळात आश्चर्य व्यक्त केले जात आहे.
सध्या राजकीय गोटात बैठका झडत आहेत. राष्ट्रवादी काँग्रेस पक्षाचे निवडणूक प्रभारी रामेश्वर मासाळ यांनी निवडणूक लढवण्याचा इशारा दिला. प्रत्यक्षात ते निवडणुकीच्या आखाड्यात राहतात की नुसती लढण्याची घोषणाच राहते हे येत्या काळात स्पष्ट होणार आहे. शिवसेनेने बैठक घेतली. राष्ट्रवादी काँग्रेस शरद पवार पक्षाने नुकत्याच मुलाखती घेतल्या. त्याचबरोबर काँग्रेसच्या खा. प्रणिती शिंदे यांनी देखील काँग्रेस इच्छुकांच्या तर भाजपचे आ. समाधान आवताडे यांनी देखील भाजप इच्छुकांच्या मुलाखती घेतल्या. सध्या काल आणि आज मिळून तालुक्यातील जिल्हा परिषद निवडणुकीसाठी तब्बल ४६ तर पंचायत समितीसाठी ३६ अर्जाची विक्री झाली.