बेल्हे - बेल्हे (ता. जुन्नर) येथील मूळ रहिवासी असलेले मनोज शांताराम भालेराव यांची, नुकतीच महाराष्ट्र लोकसेवा आयोगाच्या स्पर्धा परीक्षेच्या माध्यमातून पहिल्याच प्रयत्नात 'पोलिस उपनिरीक्षक' पदी निवड झाली आहे.
बेल्हे येथील मूळ रहिवासी व पुणे येथे व्यवसायानिमित्त स्थायिक असलेले शांताराम भालेराव व इंदुमती भालेराव या दांपत्याचे सुपुत्र मनोज भालेराव यांनी, पहिल्याच प्रयत्नात 'पोलिस उपनिरीक्षक' पदाला गवसणी घालत बेल्हे गावच्या शिरपेचात मानाचा तुरा रोवला आहे.
पोलिस उपनिरीक्षक पदी निवड झालेले मनोज भालेराव यांनी, पुण्याच्या सिंहगड अभियांत्रिकी महाविद्यालयातून कॉम्प्युटर इंजिनियरिंगची पदवी मिळवली आहे. दरम्यान गेल्या काही वर्षांपूर्वी त्यांचे वडील शांताराम गेणभाऊ भालेराव यांनी, अतिशय प्रतिकूल परिस्थितीतून पुढे जात पुणे येथे स्वतःचा व्यवसाय सुरू करून स्थायिक झाले आहेत.
त्यांचा मुलगा 'मनोज' याने शासकीय सेवेत जावे अशी त्यांची इच्छा होती. तसेच त्यांचा मोठा मुलगा महेश भालेराव हा सुद्धा उच्चशिक्षित असून, स्वतःच्या व्यवसायाबरोबरच वडिलांनाही व्यवसायात मदत करतो. बेल्हे ग्रामस्थांकडून मनोज याने मिळवलेल्या यशाबद्दल त्याचे अभिनंदन केले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.