पुणे - विवाहविषयक संकेतस्थळावर ओळख वाढवून लग्नाचे आमिष दाखवत आणि शेअर मार्केट शिकविण्याच्या बहाण्याने एका ४४ वर्षीय महिलेची १३ लाख रुपयांची फसवणूक केल्याचा धक्कादायक प्रकार उघडकीस आला आहे. याप्रकरणी सहकारनगर पोलिस ठाण्यात गुन्हा दाखल केला आहे..फिर्यादी महिला पद्मावती, सहकारनगर येथे राहतात. ‘जीवनसाथी’ संकेतस्थळावर हर्ष भार्गव नावाच्या तरुणाशी त्यांची ओळख झाली. काही दिवस संवाद केल्यानंतर आरोपीने लग्नाचे आमिष दाखवत महिलेचा विश्वास संपादन केला..त्यानंतर ‘मी शेअर मार्केट शिकवतो’ असे सांगून महिलेला धरमपेठ, नागपूरमधील एका बँकेत खाते उघडायला लावले. या खात्यात स्वतःचा मोबाईल क्रमांक लिंक करून, विविध कारणांनी ११ लाख ७४ हजार रुपये जमा करण्यास लावले..इतकेच नाही, तर महिलेच्या नावावर मन्नापुरम गोल्ड फायनान्समधून १३ लाख १९ हजार रुपयांचे कर्ज काढून ते परतही केले नाही. महिलेचे न लग्न झाले, न पैसे परत मिळाले. फसवणूक झाल्याचे लक्षात आल्यानंतर महिलेने सहकारनगर पोलिस ठाण्यात धाव घेतली. या प्रकरणाचा पुढील तपास सुरू आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
