वाघोली - खराडी-मुंढवा रोडवर मसाज सेंटरच्या नावाखाली वेश्या व्यवसाय सुरू होता. त्यावर खराडी पोलिसांनी कारवाई करून चालवणाऱ्या दोघांवर गुन्हे दाखल केले. तर सहा महिलांची सुटका केली..खराडीतील थिटेनगर येथील गोल्ड प्लाझा इमारतीत सिल्व्हर सोल स्पा ब्यूटी अॅन्ड वेलनेस नावाने मसाज सेंटर सुरू होते. वरिष्ठ पोलिस निरीक्षक संजय चव्हाण यांना याबाबत माहिती मिळाली. त्यांनी त्या ठिकाणी बनावट ग्राहक पाठवून वेश्या व्यवसाय सुरू असल्याची खात्री केली. त्यानंतर त्या सेंटर वर छापा टाकण्यात आला..ते सेंटर चालविणारे लेनखोकै किपगेन ( रा. मणिपुर ) व विकास किशोर ढाले ( रा अमरावती ) यांच्यावर गुन्हा दाखल केला. तेथे असणाऱ्या सहा महिलांची सुटका केली. त्यामध्ये तीन महिला थायलंड, एक मणिपूर, एक नागालँड व एक पुण्याची असल्याचे समोर आले..तेथील व्यवस्थापक लेनखोकै याला अटक करण्यात आली. त्याला पाच दिवसांची पोलिस कोठडी न्यायालयाने सुनावली आहे. ढाले याचा पोलिस शोध घेत आहे. महिलाना सुधारगृहात ठेवण्यात आले आहे. या प्रकरणी महिला पोलीस अंमलदार पुजा डहाळे यांनी फिर्याद दिली.उपनिरीक्षक राहुल कोळपे, पोलिस कर्मचारी नवनाथ वाळके, सुरेद्र साबळे, अर्जुन बुधवंत, अमोल भिसे, सचिन पाटील, अक्षय गार्डे, सुरज जाधव, जयवंत श्रीरामे, महिला पोलीस अंमलदार ज्योती मेमाणे, पुजा डाहाळे, अर्चना गोफणे या पथकाने ही कामगिरी केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
