Patas Sugar Factory: पाटस साखर कारखान्यात बगॅसला भीषण आग; ट्रक जळून खाक, अग्निशामक यंत्रणा उशिरा पोहोचली अन्..

कानगाव: दौंड तालुक्यातील पाटस येथील एम.आर.एन. भीमा सहकारी साखर कारखान्यात सोमवारी (दि. ३०) सकाळी सुमारे दहा वाजण्याच्या सुमारास बगॅसला भीषण आग लागल्याची घटना घडली. या आगीत बगॅस भरण्यासाठी उभा असलेला एक ट्रक पूर्णतः जळून खाक झाला. सुदैवाने या घटनेत कोणतीही जीवितहानी झाली नाही.