pune fire
sakal
पुणे - आंबेगाव बुद्रूक येथील सदाशिव दांगट नगर परिसरात मंगळवारी (ता. १५) दुपारी एका पत्रावळ्या बनवणाऱ्या कारखान्याला भीषण आग लागली. या आगीने शेजारील इमारतीच्या तळमजल्यावरील चार सदनिकांसह टाइल्सच्या गोदामातील साहित्याचे नुकसान झाले. सुदैवाने कोणतीही जीवितहानी झाली नसली, तरी सुमारे ३० ते ३५ लाख रुपयांचे नुकसान झाले आहे. अग्निशामक दलाच्या जवानांनी दोन तासांच्या शर्थीच्या प्रयत्नांनंतर आगीवर नियंत्रण मिळवले.
