पुणे - राज्यातील शासकीय, शासकीय अनुदानित, खासगी दंत महाविद्यालयांमधील पदव्युत्तर दंत वैद्यकीय अभ्यासक्रमाच्या (एमडीएस- २०२५) प्रवेशाच्या प्रक्रियेतील दुसरी फेरी जाहीर करण्यात आली आहे..या फेरीत विद्यार्थ्यांना २५ ते २७ जुलै दरम्यान महाविद्यालयांचा प्राधान्यक्रम देता येणार आहे. तर, या फेरीची निवड यादी २९ जुलै रोजी जाहीर केली जाईल, अशी माहिती महाराष्ट्र राज्य सामाईक प्रवेश परीक्षा कक्षाने दिली आहे.राज्यातील दंत महाविद्यालयांमधील पदव्युत्तर दंत वैद्यकीय अभ्यासक्रमासाठी प्रवेशाची प्रक्रिया सीईटी कक्षातर्फे राबविण्यात येत आहे. राज्यात हा अभ्यासक्रम राबविणारी ३० महाविद्यालये आहेत. या अभ्यासक्रमाच्या पहिल्या फेरीची प्रवेश प्रक्रिया १३ जुलै रोजी संपली. आता दुसऱ्या फेरीचे वेळापत्रक सीईटी कक्षाने जाहीर केली आहे..त्यानुसार २५ जुलैपासून दुसऱ्या फेरीसाठी ऑनलाइन पसंतीक्रम भरता येणार आहे. या अभ्यासक्रमाच्या पहिल्या फेरीमध्ये प्रवेश घेतलेल्या विद्यार्थ्यांना प्रवेश रद्द करण्यासाठी २३ जुलै रोजी सायंकाळी साडे पाच वाजेपर्यंत मुदत देण्यात आली होती.त्यानंतर प्रवेशाच्या दुसऱ्या फेरीसाठी राज्यातील रिक्त जागांचा तपशील गुरुवारी (ता. २४) जाहीर करण्यात येणार आहे. त्यानंतर दुसऱ्या फेरीअंतर्गत विद्यार्थ्यांना महाविद्यालयांचा पसंतीक्रम नोंदविण्यासाठी २५ ते २७ जुलैपर्यंतचा कालावधी देण्यात आला आहे..दुसऱ्या फेरीतील गुणवत्ता यादी आणि निवड यादी २९ जुलै रोजी सायंकाळी सहा वाजल्यानंतर जाहीर करण्यात येणार आहे, असे सीईटी कक्षाने स्पष्ट केले आहे. दुसऱ्या फेरीच्या गुणवत्ता यादीत निवड झालेल्या विद्यार्थ्यांना प्रत्यक्ष महाविद्यालयात जाऊन प्रवेश घेण्यासाठी ३० जुलै ते ३ ऑगस्टपर्यंतचा कालावधी देण्यात आला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
