Wakad Crime : अल्पवयीन मतिमंद मुलीवर ४० वर्षीय नराधमाचा अत्याचार

Wakad Crime : खेळण्याच्या बहाण्याने घरात बोलावून पंधरा वर्षीय असहाय मतिमंद मुलीवर अत्याचार केल्याची घटना वाकड पोलीस ठाण्याच्या हद्दीत घडली. याप्रकरणी गणेश वानखेडे (वय ४०) ह्या नराधमाला वाकड पोलिसांनी अटक करून त्याच्यावर बाकांचे लैंगिक अपराधापासून संरक्षण अधिनियमानुसार (पॉकसो) गुन्हा दाखल केला आहे.

याप्रकणी पीडित मुलीच्या चुलतीने वाकड पोलीस ठाण्यात फिर्याद दिली आहे. याबाबत माहिती अशी पीडित आपल्या चुलती-चुलत्यासोबत राहते ती मानसिक रुग्ण (मतिमंद) असल्याने तीच्यावर ससून रुग्णालयात उपचार सुरु आहेत. रविवारी (ता. १७) ती घराबाहेर उभी असताना घरासमोरील बिल्डिंगमध्ये राहणाऱ्या आरोपीने तीला आवाज देऊन बोलविले आपण खेळू म्हणून त्याच्या खोलीत नेवून अत्याचार केले.

दोन दिवसांनी पीडित मुलीने चुलतीला पोटात दुखत असल्याने सांगितले तिला विश्वास घेऊन विचारले असता तीने घडलेला प्रकार सांगितल्याने पोलीस ठाणे गाठून त्यांनी फिर्याद दिली. मात्र, घटना घडून पाच दिवस उलटूनही माध्यम प्रतिनिधिंना या याप्रकरणाची माहिती देण्यास वाकड पोलिसांनी सपशेल टाळाटाळ केली.