Ajit Pawar-Sharad Pawar
Ajit Pawar-Sharad Pawaresakal

राज्यमंत्र्यांची थेट BJP आमदाराला राष्ट्रवादीत येण्याची 'ऑफर'

Summary

'तुम्ही हाडाचे कार्यकर्ते आहात, तुम्ही येणाऱ्या काळात वेगळा विचार करा.'

पुणे : राष्ट्रवादी काँग्रेसचे नेते आणि उपमुख्यमंत्री अजित पवार (Ajit Pawar) आपली कामाची शैली, धडपड आणि रोखठोक मत यामुळं चांगलेच प्रसिद्ध आहेत. त्याचाच प्रत्यय पुन्हा एकदा आलाय. भाजपचे माण-खटावचे आमदार जयकुमार गोरे (Jaykumar Gore) यांनी जाहीर कार्यक्रमात अजितदादांचं तोंडभरुन कौतुक केलंय. त्यानंतर राज्यमंत्री दत्तात्रय भरणे (Dattatray Bharane) यांनी आमदार गोरेंना थेट ऑफरच देऊन टाकलीय. त्यामुळं राजकीय समीकरणं बदलणार का? अशी चर्चा रंगलीय.

बारामतीत डॉ. आशिष जळक व डॉ. प्रियांका जळक यांच्या चैतन्य मातृत्व योजनेचे उद्‌घाटन अजित पवारांनी केलं. मात्र, वेळेपूर्वी तासभर येत उद्‌घाटन उरकून अजित पवार निघून गेले होते. जयकुमार गोरे व दत्तात्रय भरणे चार वाजता कार्यक्रमस्थळी पोचले आणि आयोजकांनी त्यांनाही व्यासपीठावर येत बोलण्याचा आग्रह केला. जयकुमार गोरेंनी अजितदादांच्या कार्यशैलीची प्रशंसा केली.

Ajit Pawar-Sharad Pawar
राजकीय धुरळ्यानं समीकरण बदलणार? थेट भाजप आमदारचं अजितदादांच्या 'प्रेमात'

हाच धागा पकडत दत्तात्रय भरणे यांनी त्यांना लगेचच राष्ट्रवादीच्या प्रवेशाचीच त्यांना ऑफर देऊन टाकली. थेट ऑफर दिलेली नसली तरी ‘तुमचा विचार असेल तर आम्हीही त्याला प्रतिसाद देऊ,’ असे ते म्हणाले. बारामतीकरांनी हात दिला तर काहीही होऊ शकतो आणि गोरे यांच्याकडे पाहत भरणे म्हणाले, चुकतो तोच माणूस असतो, तुम्ही हाडाचे कार्यकर्ते आहात, तुम्ही येणाऱ्या काळात वेगळा विचार करा. त्याला चांगला विचार, असे भरणे यांनी शब्द वापरला. बारामतीत झालेल्या या राजकीय धुरळ्याने आता पुन्हा काही राजकीय समीकरणे बदलतात का, याकडे सर्वांचे लक्ष लागून राहिले आहे.

Ajit Pawar-Sharad Pawar
ओबीसींचा Empirical Data मार्चपर्यंत मिळणार : अजित पवार

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com