खुटबाव, (पुणे) - सहजपुर (ता. दौंड) येथे एका हॉटेलमध्ये झालेल्या किरकोळ बाचाबाचीवरून एका युवकाचा खुन झाला. सदर घटना ११ मे रोजी सायंकाळी ५.३० वाजता सहजपुर फाटा येथील ओएसिस हॉटेलमध्ये घडली..या हॉटेलमध्ये फिर्यादी दयानंद विश्वनाथआप्पा भुरके, मित्र अक्षय निगडे तसेच त्यांचा मयत पुतण्या धनराज शिवाजी भुरके (वय-३९ वर्षे) (तिघेही राहणार, अंबुलगा मेन, ता. निलंगा, जि. लातुर) हे जेवण करताना परमीट रूममध्ये दारू पित होते. यावेळी मयत धनराज भुरके हे बाथरूमला जात असताना समोरच्या टेबलावर बसलेल्या आरोपींना धक्का लागला..यावरून बाचाबाची झाली. त्यानंतर आरोपी माऊली पांडुरंग जाधव, विशाल मारुती धेंडे (दोघे राहणार ऊरुळी कांचन, ता. हवेली) नवाज रियाज तांबोळी (राहणार यवत, ता. दौंड) यांनी मयत धनराज भुरके याला हाताने लाथाबुक्यांनी तसेच खुर्चीने जबर मारहाण करत ठार केले. यावरून यवत पोलीस ठाण्यामध्ये गुन्हा नोंदवण्यात आला आहे. पोलिसांनी तिन्ही आरोपींना ताब्यात घेतल्याची माहिती पोलीस निरीक्षक नारायण देशमुख यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
