विश्रांतवाडी - अल्पवयीन मुलाला त्याला व त्याच्या कुटुंब सदस्यांना जिवे मारण्याचा धाक दाखवून, त्याच्याकडून राहत्या घरात चोरी करवून घेतली आणि याबाबत घरातल्यांना सांगण्याची भीती घालून नोव्हेंबर 2024 ते दिनांक 23 मार्चपर्यंतच्या कालावधीत रक्कम रुपये 15,000 /- ते 20,000 /- रुपये आणि एकूण 84 तोळ्याचे सोन्याचे दागिने त्याच्याकडून लुबाडले.
याप्रकरणी मुलाचे वडील सागर विनोद गोयल, (वय-42 वर्षे, व्यवसाय –व्यापार, रा. सदनिका क्रमांक 05, बिल्डींग नंबर 30, मित्तल निवास, प्रतीकनगर, येरवडा, पुणे-411006) यांनी येरवडा पोलिस ठाण्यात फिर्याद दाखल केली आहे.
पोलिसांनी या घटनेतील आरोपी रोहित नवनाथ ओव्हाळ, (वय-29 वर्षे, रा. जाधवनगर, येरवडा, पुणे-06 ), रेहान शब्बीर कुरेशी, (वय-25 वर्षे, रा. हुसेनशहा बाबा दग्र्याजवळ, मेंटल कॉर्नर, येरवडा, पुणे-06) व स्टिफन जॉन शिरसाट, (वय-19 वर्षे, रा. सोमनाथनगर, वडगांवशेरी, पुणे-14) यांना बुधवारी अटक करून न्यायालयात आज सादर केले. त्यांना 5 दिवसांची पोलिस कोठडी सुनावण्यात आली आहे.
येरवडा पोलीस ठाण्याचे वरिष्ठ निरीक्षक रवींद्र शेळके यांच्या मार्गदर्शनाखाली सहा.पोलीस निरीक्षक विशाल टकले अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.