Mahatma Jyotiba Phule Jan Arogya Yojana
sakal
पुणे : महात्मा ज्योतिबा फुले जन आरोग्य योजना (एमजेपीजेएवाय) ही राज्य शासनाची व खासगी तसेच सरकारी रुग्णालयात मोफत उपचार देणारी योजना आहे. आतापर्यंत या योजनेत रुग्णालयात दाखल राहून उपचार घेत असलेल्या रुग्णांना मोफत उपचार मिळत होते. मात्र, आता ही योजना बाह्यरुग्ण विभागाची सेवा पुरविणाऱ्या सार्वजनिक आरोग्य विभागाचे सर्वच उपकेंद्र व प्राथमिक आरोग्य केंद्र येथे लागू करण्यात आली आहे. या निर्णयामुळे नागरिकांना योजनेअंतर्गत नव्याने समाविष्ट असलेल्या सुमारे २ हजारांहून अधिक आजारांवरील उपचारांचा आर्थिक लाभ घेता येणार आहे.
