MNS Protest
Sakal
धायरी : धायरी परिसरातील प्रलंबित डीपी रस्त्याच्या कामाबाबत महाराष्ट्र नवनिर्माण सेनेच्या कार्यकर्त्यांनी सोमवारी आंदोलन करून महापालिका प्रशासनाला निवेदन दिले. दीर्घकाळापासून हा रस्ता प्रलंबित असल्याने नागरिक आणि वाहनचालकांना दररोज मोठ्या अडचणींना सामोरे जावे लागत आहे. वाढती लोकसंख्या आणि वाहनांची संख्या लक्षात घेता वाहतुकीचा ताण प्रचंड वाढला असून, या रस्त्याशिवाय कोंडी टाळणे कठीण झाले आहे.