राज ठाकरे तीन दिवस पुणे दौऱ्यावर

राज ठाकरे
राज ठाकरे

पुणे : पक्ष बांधणी आणि आगामी निवडणुकांची तयारी यासंदर्भात पक्षाच्या पदाधिकाऱ्यांशी चर्चा करण्यासाठी महाराष्ट्र नवनिर्माण सेनेचे अध्यक्ष राज ठाकरे सोमवार (ता. १९) पासून तीन दिवस पुणे दौऱ्यावर येणार आहेत. या काळात ते शहरातील आठही विधानसभा मतदारसंघांचा आढावा घेणार आहेत.

ठाकरे सध्या नाशिक दौऱ्यावर असून, तिथून ते पुण्यात येणार आहेत, अशी माहिती मनसेचे नेते राजेंद्र ऊर्फ बाबू वागस्कर, शहरप्रमुख वसंत मोरे यांनी शनिवारी (ता. १७) पत्रकार परिषदेत दिली. उपाध्यक्ष गणेश सातपुते, रणजित शिरोळे या वेळी उपस्थित होते. सोमवारी (ता. १९) सकाळी वडगाव शेरी व शिवाजीनगर विधानसभा मतदारसंघाच्या पदाधिकाऱ्यांची बैठक चतु:श्रुंगी मंदिरासमोरील इंद्रप्रस्थ कार्यालयात होईल. दुपारी कोथरूड व खडकवासला मतदारसंघाची बैठक माणिकबागेतील परिणय मंगल कार्यालयात होईल.

राज ठाकरे
‘मी मारल्यासारखे करतो, तू लागल्यासारखे कर’; ठाकरे सरकारवर टीका

मंगळवारी (ता. २०) सकाळी हडपसर व कॅन्टोन्मेंट मतदारसंघाची बैठक कोंढवा येथील लोणकर लॉन्सवर होईल. दुपारी कसबा व पर्वती मतदारसंघाची बैठक बिबवेवाडी येथील छत्रपती राजाराम महाराज सभागृहात होईल, असे वागस्कर यांनी सांगितले. या वेळी पक्षाचे शहर पदाधिकारी आणि विभागप्रमुख, उपविभागप्रमुख उपस्थित राहतील. मनसे आणि भाजप यांच्यातील युतीबाबत सध्या चर्चा सुरू आहे. त्यामुळे आगामी निवडणुकीत मनसेचे इंजिन एकटेच धावणार की भाजपसोबत याबाबत कार्यकर्त्यांना उत्सुकता आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com