डॉक्‍टर महिलेचा विनयभंग; महापालिकेच्या वैद्यकीय अधिकाऱ्यास अटक

पुणे - मोबाईलवर डॉक्‍टर महिलेशी बोलताना अश्‍लिल संभाषण केल्याच्याप्रकरणी महापालिकेच्या वैद्यकीय अधिकाऱ्यास अलंकार पोलिसांनी अटक केली.

डॉ. सतीश कळसुरे असे अटक केलेल्या वैद्यकीय अधिकाऱ्याचे नाव आहे. याप्रकरणी 42 वर्षीय महिला डॉक्‍टरने अलंकार पोलिस ठाण्यात फिर्याद दिली होती. पोलिसांनी दिलेल्या माहितीनुसार, डॉ. कळसुरे हा महापालिकेच्या अतुलनगर येथील रूग्णालयात वैद्याकीय आधिकारी आहे. त्याने त्याच्या सहकारी डॉक्‍टर महिलेच्या मोबाइल क्रमांकावर संपर्क साधला.

त्यावेळी बोलताना त्याने अश्‍लिल संभाषण केले. तसेच डॉ. कळसुरे यांनी व्हॉटस्‌अप ग्रुपवर अश्‍लिल संदेश पाठवून महिला डॉक्‍टरची बदनामी करीत महिलेच्या मनास लज्जा उत्पन्न होईल, असे वर्तत केले. या घटनेनंतर महिलेने डॉ.कळसुरे विरुद्ध फिर्याद दिल्यानंतर पोलिसांनी त्याच्याविरुद्ध गुन्हा दाखल करुन त्यास अटक केली.