खासदार बापट म्हणताहेत, पुण्यातील 'या' भागाला भामा आसखेडचे पाणी मिळवून देणार

विश्रांतवाडी (पुणे) : भामा आसखेडचे पाणी धानोरीसह वडगावशेरी मतदार संघाला लवकरच मिळवून देणार आहे. प्रसंगी आंदोलन करावे लागले तरी ते करणार आणि पाण्याची समस्या दूर करणार अशी ग्वाही खासदार गिरीश बापट यांनी दिली.

...तर हॉस्पिटलवर कायदेशीर कारवाई करा; उपमुख्यमंत्र्यांनी दिले आदेश​

धानोरी येथील पोस्ट कार्यालयाचे उद्घाटन खासदार गिरीश बापट यांच्या हस्ते झाले. यावेळी ते बोलत होते.
दरम्यान,  यावेळी बोलताना बापट म्हणाले, धानोरीत पोस्ट ऑफिसचा प्रश्न अनेक वर्षांपासून प्रलंबित होता, तो अखेर मार्गी लागला आहे. आता पाण्याचा प्रश्नही लवकरात लवकर मार्गी लावण्यात येईल.

- मोठी बातमी : पुण्यात कोरोना रुग्णांबाबत नोंदविले गेलेत दोन रेकॉर्ड; वाचा सविस्तर​ 

प्रास्ताविकात नगरसेवक अनिल टिंगरे म्हणाले, गेल्या अनेक वर्षांपासूनची पॊस्ट कार्यालयाचा प्रश्न खासदार बापट यांच्यामुळे दूर झाला आहे. यासाठी त्यांनी प्रयत्न केल्यामुळे खासदार बापट यांचे धानोरीवासीयांतर्फे आभार व्यक्त केले.

- पुणे जिल्ह्यातील नागरिकांनो सतर्क राहा; हवामान विभागानं दिलाय 'ऑरेंज अलर्ट'!​

कार्यक्रमास नगरसेवक अनिल टिंगरे, नगरसेवक योगेश मुळीक, नगरसेविका ऐश्वर्या जाधव, मोहनराव शिंदे, धनंजय जाधव, दिलीप डाळीमकर, डाक अधीक्षक मुकूंद बडवे, उपविभागीय निरीक्षक भूषण देशमुख, पोस्टमास्तर मधुकर सूर्यवंशी, पोलीस निरीक्षक रवींद्र कदम आदी मान्यवर उपस्थित होते. सूत्रसंचालन राजीव कुलकर्णी यांनी केले.