The floodwaters have disrupted connectivity between Valki and Delwadi villages, while authorities have urged residents to remain cautious.
Sakal
प्रकाश शेलार
खुटबाव (पुणे) : मुळा मुठा नदीला आलेल्या पुरामुळे संगम वाळकी( ता . दौंड) येथील पुल यावर्षी पावसाळी हंगामामध्ये प्रथमच पाण्याखाली गेला आहे .त्यामुळे वाळकी व देलवडीचा संपर्क तुटला आहे. गेली सलग चार दिवस घाटमाथ्यावर व धरण परीसरात झालेल्या मुसळधार पाऊसामुळे मुळा मुठा नदी व भीमा नदीपात्र दुथडी भरून वाहत आहे .यामुळे सोमवार दि. ६ रोजी सकाळपासुनच पुलावरुन पाणी वाहु लागले.याशिवाय दौंड तालुक्यातील कोल्हापूर पद्धतीचे बंधारे पाण्याखाली गेले होते. नदीकाठच्या सर्व शेतकऱ्यांनी सकाळीच विद्युत पंप नदीकाठच्या परिसरातून सुरक्षित स्थळे हलवले. गेली ३ दिवस दौंड तालुक्यात दिवसभर पाऊस असल्याने सर्व गुऱ्हाळघरे व वीट भट्टी व्यवसाय बंद होता. शेतातील सर्व कामे बंद होती. त्यामुळे शेतमजूर, परप्रांतीय कामगार यांनी दिवसभर घरीच राहाणे पसंत केले. अनेक नदीकाठचे ग्रामस्थ आज दिवसभर मुळा मुठा व भीमा नदीची पाणी पातळी पाहण्यासाठी नदीकिनारी गर्दी करत होते. पारगाव येथील पुलावर भिमाचे पाणी पाहण्यासाठी विशेष गर्दी झाली होती.
