Pune News : उड्डाणपुलाखालील पार्किंगवर येणार गंडांतर?

पुणे - शहरातील उड्डाणपुलाखालील मोकळी जागा वाहने लावण्यासाठी वापरली जात असताना महापालिकेच्या वाहतूक नियोजन विभागाच्या भूमिकेमुळे येत्या काळात अनेक ठिकाणे पार्किंग बंद होण्याची शक्यता आहे..नागरिकांच्या तोंडी तक्रारीवरून धायरी फाटा येथील पार्किंग बंद केल्याने नागरिकांची गैरसोय होत आहे. त्याचप्रमाणे शहरातील उड्डाणपुलाबाबत तक्रार आल्यास त्याचा विचार केला जाईल, असे अधिकाऱ्यांनी सांगितले आहे. त्यामुळे उड्डाणपुलांखालील पार्किंगवर गंडांतर येण्याची शक्यता आहे..पुणे शहरात वाहतूक कोंडीचा प्रश्न गंभीर होत असताना त्याच बरोबर पार्किंगचीही समस्या दिवसेंदिवस वाढत आहे. वाहतूक पोलिसांकडून दुहेरी पार्किंग, नो पार्किंग करणाऱ्यांवर कारवाई केली जाते. त्यामुळे रस्त्यावर गाडी लावताना पार्किंग आहे की नाही हे नागरिकांना पाहावे लागते. पुणे महापालिकेचे पार्किंग धोरण प्रशासनाच्या कचखाऊ भूमिकेमुळे धुळ खात पडलेले. त्यामुळे रस्त्यावरील पार्किंगला शिस्त लागू शकलेली नाही..शहरात महापालिकेने बांधलेले सुमारे १८ उड्डाणपूल आहे. त्यातील अनेक ठिकाणी उड्डाणपुलाच्या खाली चारचाकी, दुचाकी वाहने लावली जातात. त्यामुळे वाहतुकीला होणारा अडथळाही होत नाही आणि वाहनेही सुरक्षित राहातात.धायरी फाटा येथील स्वर्गीय आमदार रमेश वांजळे उड्डाणपुलाखाली गेल्या अनेक वर्षापासून दुचाकी पार्किंग केल्या जात होत्या. त्यामुळे धायरी, नऱ्हे भागतील नागरिकांची होत होती. तसेच या भागात राहणारे आणि हिंजवडी आयटी पार्कसह अन्य ठिकाणी कामाला जाणारे तरुण या उड्डाणपुलाखाली गाड्या लावून जात असत. याबाबत काही स्थानिक नागरिकांनी महापालिकेकडे तक्रार केल्याने नागरिकांचा विचार न करता थेट पार्किंग बंद करून टाकले आहे. त्याचा फटका नागरिकांना बसत आहे..त्याबाबत वाहतूक नियोजन विभागाचे प्रमुख अनिरुद्ध पावसकर यांना विचारले असता ते म्हणाले, ‘काही नागरिकांनी तक्रार केल्याने वाहतूक पोलिसांसोबत पाहणी करून धायरी फाटा उड्डाणपुलाखालील दुचाकी पार्किंग बंद केले आहे. शहरातील अन्य उड्डाणपुलाखालील पार्किंगसंबंधात तक्रार आल्यास तेथे पाहणी करून निर्णय घेतला जाईल..दारू पिणाऱ्यांची शिक्षा वाहनचालकांनाधायरी फाटा उड्डाणपुलाखालील पार्किंगमध्ये काही जण दारू पीत बसतात, तेथे सुरक्षेचा प्रश्न निर्माण होत होता, त्यामुळे पार्किंग बंद केले असे पावसकर यांनी सांगितले. मात्र, दारू पिणाऱ्यांवर पोलिसांच्या मदतीने कारवाई करायचे सोडून त्यांची शिक्षा वाहनचालकांना देण्यात आल्याचा प्रकार घडला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.