The Election Commission has directed the PMC Commissioner to personally review and correct widespread errors in the voter list
Sakal
पुणे : महापालिका निवडणुकांसाठी जाहीर केलेल्या मतदार यादीत दुबार नावे, मतदारांची नावे एका प्रभागातून दुसऱ्या प्रभागात जाणे, बाहेरील मतदारांचा चुकीचा समावेश अशा गंभीर चुका मोठ्या प्रमाणात समोर आल्या आहेत. या गोंधळामुळे नागरिकांसह सर्व प्रमुख राजकीय पक्षांनी निवडणूक आयोगाकडे तक्रारींचा पाऊस पाडला. त्यामुळे प्रशासनाची फजिती होत असल्याने महापालिका आयुक्तांनीच स्वतः पुढाकार घेऊन या मतदार याद्या तपासून घ्याव्यात असे आदेश निवडणूक आयोगाने दिले आहेत. त्यासंदर्भात पुणे महापालिकेने तयारी सुरू केली आहे.