पुणे - पुणे महापालिकेचा मिळकतकर भरून त्यावर दहा टक्क्यापर्यंत सवलत घेण्याची मुदत आज संपत असताना महापालिकेचे सर्व्हर ठप्प झाले. त्यामुळे नागरिकांना कर भरता आला नाही..महापालिका भवनसह अन्य मिळकतकर भरणा केंद्रावर नागरिकांच्या लांबच्या लांब रांगा लागल्या होत्या. त्यामुळे महापालिकेने सवलतीने मिळकत कर भरण्याची मुदत सात जुलैपर्यंत वाढविण्याचा निर्णय घेतला आहे.एक एप्रिलपासून नवीन आर्थिक वर्ष सुरू झाल्यानंतर विकास कामासाठी पुरेसा निधी महापालिकेच्या तिजोरीत जमा व्हावा, यासाठी गेल्या काही वर्षांपासून सुरुवातीचे दोन महिने मिळकतकर भरणा केल्यास निवासी मिळकतींना पाच टक्के ते दहा टक्के इतकी सवल दिली जाते. या कालावधीत लाखो पुणेकर बाराशे कोटीपेक्षा जास्त मिळकत कर महापालिकेच्या तिजोरी जमा करतात..यंदाच्या वर्षी समाविष्ट 23 गावांमधील मिळकतींची बिल तयार करण्यास विलंब झाला. तसेच 40% सवलत देण्यात आलेल्या मिळकतींची बिले तयार झालेली नव्हती. त्यामुळे एप्रिल महिन्यात महापालिकेने ही योजना सुरू न करता एक मे ते 30 जून अशी मुदत दिलेली होती.ही मुदत आज संपत असल्याने नागरिकांनी सकाळपासूनच मोबाईल लॅपटॉप संगणकावरून मिळकत कर भरणा करण्यासाठी महापालिकेच्या संकेतस्थळाला भेट दिली. एकाच वेळेस हजारोंच्या संख्येने नागरिक कर भरण्याचा प्रयत्न करत असल्याने महापालिकेची संगणकीय प्रणाली ठप्प झाली. त्यामुळे मिळकत धारकांना कर भरण्यास अडथळा निर्माण झाला..त्यामुळे दोन ते अडीच तास प्रयत्न करुनही नागरिकांना पैसे भरता येत नव्हते. आज कर भरणा न केल्यास आर्थिक भुर्दंड बसण्याची शक्यता असल्याने हस्तवलेल्या नागरिकांनी महापालिकेच्या नागरिक सुविधा केंद्राकडे धाव घेतली त्या ठिकाणी लांबच्या लांब रांगा लागलेल्या होत्या.तसेच अनेक नागरिकांनी पुणे महापालिकेतील मिळकतकर विभागात धाव घेऊन पैसे भरण्याची धडपड सुरू केली. याबाबत नागरिकांकडून माजी नगरसेवकांकडून अधिकाऱ्यांकडे अनेक तक्रारी प्राप्त झाल्या. तसेच मिळकत कर भरण्यासाठी मुदतवाढ द्यावी अशी मागणी करण्यात आली..महापालिकेकडून संगणकीय प्रणालीमध्ये सुधारणा करण्यासाठी प्रयत्न सुरू करण्यात आलेले होते. पण त्यात यश येत नसल्याने कर भरणा प्रक्रिया ठप्प झाली. नागरिकांच्या रोशाला सामोरे जावे लागणार असल्याची शक्यता असल्याने महापालिकेने सवलतीत मिळकत कर भरणा करण्यासाठी सात जुलैपर्यंत मुदतवाढ दिलेली आहे.१२४५ कोटी कर जमा१ मे पासून ३० जूनपर्यंत पाच ते दहा टक्के सवलत महापालिकेडून दिली जात होती. या काळात ७ लाख १० हजारपेक्षा अधिक नागरिकांनी सुमारे १२४५ कोटी रुपयांचा कर महापालिकेच्या तिजोरीत जमा केला..महापालिकेचा मिळकतकर भरण्यास अडचणी येत असल्याने ७ जुलैपर्यंत सवलतीसह मिळकतकर भरण्यास मुदतवाढ दिली आहे. नागरिकांना ऑनलाईन तसेच महापालिकेच्या नागरी सुविधा केंद्रात मिळकत कर भरता येणार आहे.- अविनाश सकपाळ, उपायुक्त, मिळकत कर विभाग, पुणे महापालिका.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
