कानाखाली लगावली म्हणून दगडाने ठेचून निघृण हत्या

चाकण : बिरदवडी (ता. खेड) येथे सोमवारी दुपारी तीनच्या सुमारास एका वर्कशॉपच्या समोर किरकोळ वादातून डोक्‍यात दगड घालून एकाचा निर्घृणपणे खून करण्यात आला.

ताज्या बातम्यांसाठी डाऊनलोड करा ई-सकाळचे ऍप

हरिश्‍चंद्र किसन देटे (वय 45, रा. भैरवनगर, धानोरी, विश्रांतवाडी, पुणे, मूळ, रा. रुई ढोकी, जि. उस्मानाबाद) असे खून झालेल्या व्यक्तीचे नाव आहे. याप्रकरणी जीवन डोंगरे, शरद धुळे (वय,38), अश्विन कांबळे (वय 22, दोघे रा. चाकण) या तिघांना पोलिसांनी अटक केली आहे.

राज्यातील 60 जणांची कोरोना चाचणी "निगेटिव्ह' 

देटे व डोंगरे यांच्यात वाद झाला होता. देटे हे वर्कशॉपचे मालक होते, अशी माहिती वरिष्ठ पोलीस निरीक्षक कल्याण पवार यांनी दिली. बिरदवडी गावच्या हद्दीत व्ही. एच. डी. इंजिनिअरिंग वर्कशॉपमसमोर सकाळी दहाच्या सुमारास झालेल्या भांडणात देटे यांनी डोंगरे यांच्या कानाखाली लागवली होती. त्याचा राग मनात धरून डोंगरे याने देटे यांच्या डोक्‍यात दगड घातला. अन्य पाच ते सहा जणांनी त्यांना मारहाण केली, अशी फिर्याद प्रमोद कोल्हे (रा. चाकण) यांनी दिली आहे. 

बाथरुमचे लॉक दाखवायला 'तो' तिला आत घेऊन गेला अन्...