संपत्तीच्या वादातून ज्येष्ठाचा डोक्यात घातले दांडके...

शिरूर (पुणे) : संपत्तीच्या वादातून शिरूर येथील बाजारपेठेतील ज्येष्ठाचा डोक्‍यात दांडके टाकल्याने मृत्यू झाला. रविवारी सकाळी सव्वासहाच्या सुमारास ही घटना घडली. मकबूल अब्दुल रहिमान खान (वय 70), असे त्यांचे नाव आहे. 

आपल्या शेतकऱ्याला मार्केटिंग ट्रेनिंग द्यायलाच पाहिजे, अमोल कोल्हे यांची भूमिका

याबाबत मकबूल खान यांचा मुलगा अब्दुल जहिर मकबूल खान याने दिलेल्या फिर्यादीवरून जफर रहिम खान, मोसीन नासरखान पठाण, रमजान ऊर्फ टिपू आदम पटेल, तस्सवूर ऊर्फ सलमान ताहिरअली शेख (सर्व रा. कापड बाजार, शिरूर) यांच्याविरुद्ध शिरूर पोलिसांनी खुनाचा गुन्हा दाखल केला. टिपू पटेल घटनेनंतर पळून गेला असून, इतरांना पोलिसांनी ताब्यात घेतले आहे. 

सासवडमध्ये आढळला आणखी एक कोरोनाबाधित 

पोलिसांनी दिलेल्या माहितीनूसार, फिर्यादी अब्दुल जहीर खान यांच्या आजीच्या (आईची आई) नावे असलेल्या शिरूरमधील स्थावर मालमत्तेचा वाद सन 2013 पासून शिवाजीनगर न्यायालयात चालू आहे. यातील एक दूमजली इमारत "इलियासबी मंझिल' कापड बाजार परिसरात आहे.

वाहनाच्या धडकेत बिबट्या ठार

फिर्यादीच्या माहितीनुसार, ती अब्दुल जहीर यांच्या आईच्या जैबून्निसा मकबूल खान हिच्या मालकीची असल्याने ते स्वतः, वडील मकबूल, पत्नी रेश्‍मा; तसेच खालेदा इलियास शेख व फहिमिदा मतिन खान या बहिणींसह सकाळी तेथे गेले. तेव्हा इमारतीचा दरवाजा आतून बंद असल्याने दरवाजा वाजविला, परंतु न उघडल्याने अब्दुल जहीर व त्यांच्या वडिलांनी धक्का देऊन दरवाजा उघडला व आत जाण्याचा प्रयत्न केला. त्यावेळई मोसीन पठाण, जफर खान व इतरांनी दांडक्‍याने हल्ला केला. लाकडी दांडके डोक्‍यात बसल्याने मकबूल खान यांचा जागीच मृत्यू झाला. या वेळी मोसीन, जफर, टिपू व सलमान यांनी फिर्यादी, त्यांची पत्नी व बहिणींनाही लाथाबुक्‍क्‍यांनी मारहाण केली. 

पुण्याच्या इतर बातम्या वाचण्यासाठी येथे क्लिक करा

या घटनेची माहिती समजताच पोलिस निरीक्षक प्रवीण खानापुरे, सहायक पोलिस निरीक्षक बी. एन. काबुगडे, पोलिस उपनिरीक्षक बी. जे. पालवे व इतरांनी घटनास्थळी धाव घेतली. हल्लेखोरांना तातडीने ताब्यात घेतल्याने तणाव निवळला. तथापि, भर बाजारपेठेत घडलेल्या या घटनेने काही काळ खळबळ उडाली.