मोदींसारखेच काम भाजप कार्यकर्त्यांनी करावे, यावेळी बारामतीत आपल्याला विजय पाहिजे

धायरी - पंतप्रधान नरेंद्र मोदी जसे देशात चांगले काम करत आहेत, तसेच काम भाजपच्या कार्यकर्त्यांनी बारामती लोकसभा मतदारसंघात करावे. बारामती लोकसभा मतदार संघात कुठल्याही प्रकारचा निधी कमी पडून देणार नाही. कार्यकर्त्यांनी न घाबरता काम करावे, कार्यकर्त्यांना सर्व प्रकारची मदत पक्षाकडून दिली जाईल.

या मतदारसंघातून आपल्याला आता विजय पाहिजे असे आवाहन केंद्रीय अर्थमंत्री निर्मला सीतारामन यांनी आज येथे केले.

धायरी येथील मुक्ताई गार्डन येथे आयोजित करण्यात आलेल्या पदाधिकारी, कार्यकर्ता मेळाव्यात त्या बोलत होत्या. आमदार भिमराव तापकीर, माधुरी मिसाळ, राहुल कुल, हर्षवर्धन पाटील, बाळा भेगडे आदी उपस्थित होते. सूत्रसंचालन खडकवासला अध्यक्ष सचिन मोरे तर आभार प्रदर्शन हरिदास चरवड यांनी मानले. यानिमित्ताने केंद्रीय पातळीवरील मंत्री धायरीत येण्याची पहिलीच वेळ होती. त्यामुळे कार्यकर्त्यांमध्ये मोठा उत्साह होता.