Rupali Patil: "जनताच तुम्हाला गोमुत्र पाजून लायकी दाखवेल"; रुपाली पाटील 'त्या' घटनेवर भडकल्या

पुणे : छत्रपती संभाजीनगरमध्ये नुकतीच महाविकास आघाडीची सभा पार पडली पण सभा संपल्यानंतर भाजपच्या कार्यकर्त्यांनी त्याठिकाणी गोमूत्र शिंपडलं. या घटनेमुळं राष्ट्रवादी काँग्रेसच्या नेत्या रुपाली पाटील यांनी भाजपवर कठोर शब्दांत टीका केली आहे. (NCP leader Rupali Patil Thombre got angry about Chhatrapati Sambhaji Nagar MVA rally incident)

पाटील यांनी ट्विट करत भाजपवर निशाणा साधला. त्यांनी म्हटलं की, "संभाजीनगरला महाविकास आघाडीची सभा झाली म्हणून काही नासक्यांनी म्हणे जागेवर गोमूत्र शिंपडलं. लाखो लोक प्रेमानं आणि विश्वासानं या ठिकाणी आले होते. पण पोटशूळ आलेल्या लोकांनी आमच्या लाखो लोकांचा अपमान केला. आता हेच लोक, जनताजनार्दन तुम्हाला गोमूत्र पाजून तुमची लायकी दाखवतील हे नक्की!"

हा प्रकार म्हणजे सत्तेची मस्ती असल्याचंही त्यांनी ट्विटमध्ये म्हटलं आहे.