Malegaon Crime
sakal
माळेगाव - माळेगाव बुद्रुक (ता. बारामती) येथे राष्ट्रवादी काँग्रेस पक्षाच्या कार्यकर्त्यावर चार ते पाच अज्ञात युवकांनी लाकडी दांडक्याने व दगडाच्या सहाय्याने मारहाण केल्याची धक्कादायक घटना घडली. डी.डी. जगताप (रा. भिकोबानगर - पणदरे) असे गंभीर जखमी झालेल्या कार्यकर्त्याचे नाव असून, त्यांच्या डोक्याला खोल जखमा झाल्या आहेत. वैद्यकीय सूत्रांनी दिलेल्या माहितीनुसार, जगताप यांची प्रकृती सध्या स्थिर असून त्यांच्यावर खाजगी रुग्णालयात उपचार सुरू आहेत.
