सबस्क्राईब करा
पुणे : ‘‘शिवसेनेचे शहरप्रमुख प्रमोद भानगिरे पक्षात नाराज नाहीत. त्यांच्याशी माझी सविस्तर चर्चा झाली आहे. विरोधकांकडून जाणीवपूर्वक खोट्या बातम्या पसरविल्या जात आहेत,’’ असे शिवसेना नेत्या आणि विधान परिषदेच्या उपसभापती डॉ. नीलम गोऱ्हे यांनी स्पष्ट केले. दरम्यान, स्वत: शहराध्यक्ष भानगिरे यांनीही आपण नाराज नसल्याचे स्पष्ट केले.
महायुतीच्या उमेदवारांच्या प्रचारासाठी पंतप्रधान नरेंद्र मोदी यांची पुण्यात जाहीर सभा नुकतीच पार पडली. या सभेसाठी मुख्यमंत्री एकनाथ शिंदे उपस्थित होते. या सभेनंतर शिंदे हे भानगिरे यांच्या घरी जेवणासाठी जाणार होते.
त्यांच्या स्वागतासाठी जय्यत तयारीही केली होती. परंतु शिंदे यांनी घरी जाणे टाळले. त्यामुळे भानगिरे आणि त्यांचे समर्थक नाराज असल्याची चर्चा दिवसभर सुरू होती. शहराध्यक्ष भानगिरे यांचा फोन दिवसभर बंद होता. या संदर्भात भानगिरे यांच्याशी रात्री संपर्क साधला असता त्यांनी आपण नाराज नाही. विरोधकांच्या अफवांना आपण महिला मेळाव्यात उत्तर देऊ, असे सांगितले.
जिल्ह्यातील महायुतीच्या उमेदवारांच्या निवडणूक प्रचारासाठी हडपसरमधील हांडेवाडी रस्त्यावरील शिवसेनाप्रमुख बाळासाहेब ठाकरे फुटबॉल मैदानावर शुक्रवारी (ता.३) सायंकाळी सहा वाजता महिला मेळाव्याचे आयोजन करण्यात आले आहे.
या मेळाव्यात महिलांसाठी राबविण्यात येणाऱ्या विविध योजना, महिलांचे विविध प्रश्न तसेच महिलांचा राजकीय व सामाजिक सहभाग वाढविण्यासाठी मार्गदर्शन करण्यात येणार आहे. या मेळाव्यास शिवसेना नेत्या डॉ. नीलम गोऱ्हे, शहरप्रमुख प्रमोद भानगिरे, जिल्ह्यातील सर्व महिला संपर्कप्रमुख, जिल्हा संघटिका उपस्थित राहणार आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.