esakal | 'निगेटिव्ह आयन' कोरोनाचे विषाणू हटवतो; डॉ. जगदाळे यांचा दावा
sakal

बोलून बातमी शोधा

dr. rajendra jagdale

संयंत्रांचे फायदे
- निगेटिव्ह आयन थेट संसर्ग निर्माण करणाऱ्या सूक्ष्मजीवांच्या प्रथिनांवर हल्ला करते. त्यामुळे  संसर्गजन्य रोगांचा प्रसार रोखण्यासाठी उपयोग होतो.
- आजाराला कारणीभूत सूक्ष्मजीवांपासून व्यक्तीचा बचाव करते.
- कार्बन मोनोक्सईडचे विघटन करते 
- ओझोनसारख्या घातक वायूचे उत्सर्जन करत नाही

पंतप्रधान यांच्याकडून दखल
डॉ. जगदाळे यांच्या संशोधनाची दखल पंतप्रधान नरेंद्र मोदी यांनी घेतली. मोदी यांनी 'सकाळ माध्यम समुहा'चे व्यवस्थापकीय संचालक अभिजित पवार यांच्याशी २४ मार्चला संध्याकाळी फोनवरून चर्चा केली. त्यावेळी डॉ. जगदाळे यांनी बनविलेल्या संयंत्राबद्दल मोदी यांना त्यांनी माहिती दिली. त्याची तातडीने दखल घेत मोदी यांनी आणखी तपशील मागवला आणि त्यासाठी स्वतंत्र अधिकाऱ्याची नियुक्ती केली.

'निगेटिव्ह आयन' कोरोनाचे विषाणू हटवतो; डॉ. जगदाळे यांचा दावा

sakal_logo
By
सकाळवृत्तसेवा

पुणे - निगेटिव्ह आयनच्या वापरातून पृष्ठभागावरील कवके, जिवाणू आणि विषाणू हटवता येतात. निर्जंतुकीकरणाच्या या पद्धतीद्वारे कोरोनाचा विषाणूही हटवला जातो. त्यासाठी आम्ही किफायतशीर किमतीत संयंत्रही तयार केले आहे, अशी माहिती सायन्स अँड टेक्नॉलॉजी पार्कचे संचालक डॉ. राजेंद्र जगदाळे यांनी दिली.

बातम्या ऐकण्यासाठी डाऊनलोड करा ई-सकाळचे ऍप

पार्कच्या वतीने 'सायटेक एरॉन आयोनायझर मशीन' तयार करण्यात आले आहे. संयंत्रातून शंभर दशलक्ष निगेटिव्ह आयन प्रति सेकंदाला तयार होत असल्याचे डॉ. जगदाळे यांनी सांगितले. ते म्हणाले, "जगभरामध्ये निगेटिव्ह आयनवर संशोधन करण्यात आले आहे. संयंत्रातून तयार झालेला हायड्रोक्सिल ग्रुप विषाणूच्या प्रथिन रचनेशी अभिक्रिया करतो आणि त्याची वाढ थांबवतो किंवा त्याला नष्ट करतो. याद्वारे कोरोना विषाणू हटवणेही शक्य आहे. पार्कच्या संशोधकांनी किफायतशीर किमतीत निगेटिव्ह आयन जनरेटर तयार केले असून, नायडू रुग्णालयातही ते लावण्यात आले आहे."

त्यांनी"जपली माणुसकी; लॉक डाऊन मध्येही जेवणाची सोय

निगेटिव्ह आयन जनरेटरच्या वापरातून एका तासात खोलीचे ९९ टक्के निर्जंतुकीकरण होत असल्याचा दावा संशोधकांच्या वतीने करण्यात आला आहे. विषाणूंचा संसर्ग झालेल्या भागात किंवा रुग्णालयांत निर्जंतुकीकरणासाठी या संयंत्राचा वापर करण्यात येऊ शकतो. यामुळे रुग्णाबरोबरच डॉक्टर, परिचारिका, निकटवर्तीय आदींना संसर्गापासून वाचवता येऊ शकते. 

coronavirus : अत्यावश्यक सेवा पुरविणाऱ्यांना पोलिसांकडून मिळणार पास

संयंत्राची प्रत्यक्ष विषाणूवर चाचणी घेण्यासाठी अतिउच्च दर्जाच्या प्रयोगशाळा लागतात. आपल्याकडे त्याची उपलब्धता नसल्याने संयंत्रातून निर्माण होणाऱ्या निगेटिव्ह आयनच्या संख्येवरून आणि जगभरातील शोध पत्रिकांतून आम्ही त्याचा परिणाम निश्चित केला आहे.
- डॉ. राजेंद्र जगदाळे, संचालक, सायन्स अँड टेक्नॉलॉजी पार्क

loading image