भोर - पानव्हळ (ता. भोर) येथील नेहा चिकणे हिने महाराष्ट्र राज्य लोकसेवा आयोग राजपत्रित परीक्षेत यश संपादन करून सहाय्यक गटविकास अधिकारी पदाला गवसणी घातली आहे. नेहाचे प्राथमिक शिक्षण जिल्हा परिषद शाळा भाबवडी येथे झाले..पाचवी ते दहावीपर्यंतचे शिक्षण भोरमधील राजा रघुनाथ विद्यालयात पूर्ण केल्यानंतर बारामती येथील विद्या प्रतिष्ठान येथे इंजिनिअरिंग केले. त्यानंतर अधिकारी होण्याची जिद्द बाळगून तिने वेळ मिळेल तेव्हा अभ्यास करून हे यश प्राप्त केले..या यशामध्ये सध्या भोरमध्ये वास्तव्यास असलेले आणि येवली (ता. भोर) येथील अमृतराव पांडुरंग बांदल माध्यमिक विद्यालयात मुख्याध्यापक असलेले नेहाचे वडील विठ्ठल चिकणे तर, आपटी (ता. भोर) येथील जिल्हा परिषद प्राथमिक शाळेत मुख्याध्यापिका म्हणून कार्यरत असलेली आई सुरेखा चिकणे यांचे नेहास नेहमी पाठबळ मिळाले. बहीण शिवांजली व भाऊ जय यांचेही नेहाला प्रोत्साहन लाभले..नेहाच्या यशाबद्दल पुणे जिल्हा माध्यमिक व उच्च माध्यमिक शाळा मुख्याध्यापक संघाचे अध्यक्ष नंदकुमार सागर, सेकंडरी स्कूल एम्प्लॉईज सोसायटीचे उपाध्यक्ष सुधाकर जगदाळे, भोर तालुका मुख्याध्यापक संघाचे अध्यक्ष सुनील गायकवाड, सचिव पंढरीनाथ टापरे, सुनील थोपटे, पुणे जिल्हा मुख्याध्यापक संघाचे वार्ता संपादक मोहन ताकवले, भोर तालुका प्राथमिक शिक्षक संघ पदवीधर शिक्षक संघाचे प्रतिनिधी पंडित गोळे, अप्पा सावंत, पोपटराव निगडे, विजया झगडे, सरपंच संध्या देशमाने व ग्रामस्थांसह तालुक्यातून नेहाच्या यशाबद्दल कौतुक होत आहे..माझ्या आई- डिलांचे तसेच भाऊ व बहिणीचे पाठबळ माझ्यासाठी प्रेरणादायी ठरले. डोळ्यांपुढे चांगले ध्येय ठेवून मनापासून आणि प्रामाणिक अभ्यास केल्यावर यश नक्की मिळते, हे मला मिळालेल्या यशातून दिसून आले. माझ्या यशात योगदान असणाऱ्यांची मी कायम ऋणी राहील.- नेहा चिकणे.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.