पुणे - आकाश निरभ्र आणि हवामान कोरडे असल्याने येत्या दोन दिवसांमध्ये शहर आणि परिसरातील गारठा वाढेल, असा अंदाज हवामान खात्यातर्फे गुरुवारी वर्तविण्यात आला.
शहर आणि परिसरात गेल्या दोन दिवसांपूर्वी आकाश ढगाळ झाले होते. पावसाच्या सरींनी हजेरी लावली होती. अरबी समुद्रात निर्माण झालेल्या कमी दाबाच्या क्षेत्राच्या प्रभावामुळे हवामानात हा बदल झाला होता. पण, आता याची तीव्रता कमी झाल्याने आकाश निरभ्र झाल्याने उत्तर भारतातून येणाऱ्या थंड हवेचा प्रभाव पुन्हा वाढ लागला आहे. त्यामुळे शहरात पुढील दोन दिवसांमध्ये किमान तापमानाचा पारा 13 अंश सेल्सिअसपर्यंत कमी होईल. गुरुवारी सकाळी साडेआठ वाजेपर्यंत शिवाजीनगर येथील वेधशाळेत किमान तापमान 15.8 अंश सेल्सिअस नोंदले गेले. सरासरीपेक्षा हा पारा 4.9 अंश सेल्सिअसपर्यंत वाढले असल्याची माहिती हवामान खात्यातर्फे देण्यात आली.
राज्यात कोरडे हवामान
हवेत आर्द्रता असल्याने मध्य महाराष्ट्रासह मराठवाडा आणि विदर्भात गारठा वाढण्यास सुरुवात झाली आहे. राज्यातील अनेक भागांत पहाटे दाट धुके पडते. येत्या दोन ते तीन दिवसांत मराठवाड्यासह, विदर्भातील अनेक भागांत गारठा वाढणार आहे. गुरुवारी (ता. 17) सकाळी आठ वाजेपर्यंत राज्यात सर्वांत कमी किमान तापमान परभणी येथे 14.9 अंश सेल्सिअस नोंदले गेले.
पुण्याच्या बातम्या वाचण्यासाठी येथे ► क्लिक करा
उत्तर भारत गारठला
उत्तरेकडील पंजाब, हरियाना, चंडीगड, उत्तर प्रदेश, राजस्थान या भागांत थंडीची लाट आली आहे. याचा परिणाम राज्यातील वातावरणावर होणार असून, उत्तरेकडून थंड वाऱ्यांचे प्रवाह पुन्हा वाहू लागले आहेत. त्यामुळे मध्य महाराष्ट्र, मराठवाडा व विदर्भातील काही भागांत गारठा वाढला आहे. किमान तापमानात घट होऊ लागली आहे. येत्या दोन ते तीन दिवसांत किमान तापमानात आणखी घट होण्याची शक्‍यता आहे.
दक्षिण भारताच्या पूर्व भागातील कोमोरीन परिसर आणि श्रीलंकेचा परिसरातही चक्रीवादळासाठी पोषक वातावरण तयार होण्याची शक्‍यता आहे. त्यामुळे राज्यात पुढील काही दिवस थंडीत काही अंशी चढ-उतार राहणार आहे. उत्तर भारतातही गेल्या काही दिवस पाऊस झाल्याने हवेत गारवा असल्याने काही भागांत थंडीची लाट आली आहे. त्यामुळे या भागात किमान तापमानात आणखी घट होईल. त्याचा परिणाम राज्यातील वातावरणावर होण्याची शक्‍यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.