भोर - येथील वनवासी कल्याण आश्रम केंद्र संचालिक मुलांच्या वसतिगृहात राहून अभ्यास करत असलेल्या नीलेश सुरेश महाडिक याची एकाच वेळी मुंबई पोलिस दलात चालक आणि कारागृह पोलिसपदी निवड झाली.
तो मूळचा वरोती-जाधववाडी (ता. राजगड) येथील आहे. स्वतःच्या घरापासून दूर राहून अथक परिश्रम आणि सातत्यपूर्ण अभ्यास करत पोलिस दलातील दोन पदांना एकाचवेळी गवसणी घालण्यात त्याने जिद्दीने कष्ट करून यश मिळवले.
शेतकरी कुटुंबातील असलेल्या नीलेश याने पासली (ता. राजगड) येथे प्राथमिक शिक्षण पूर्ण केले. त्यानंतर तोरणा- राजगड परिसर समाजोन्नती न्यास येथे राहून त्याने आठवी ते बारावीपर्यंतचे शिक्षण पूर्ण केले. सध्या तो भोरमधील वनवासी कल्याण आश्रम केंद्र येथे राहून महाविद्यालयीन शिक्षण घेत आहे.
भोरमधील ‘संकल्प प्रतिष्ठान’च्या मोफत अभ्यासिकेत अभ्यास आणि टारगेट अचिव्हर या अॅकॅडमीमध्ये तो भरतीचा सराव करीत होता. याशिवाय भोरमधील ‘रोबोकॉब कॉम्प्युटर्स’ या संस्थेनेही त्यास शासकीय नोकरीसाठी असलेला एमएससीआयटी कोर्स करण्यास मदत केली.
कठोर परिश्रम, मेहनत, अभ्यासातील सातत्य आणि कल्याण आश्रमात राहिल्याने मिळालेल्या संस्कारामुळे यश मिळाल्याचे नीलेश याने सांगितले. आजकाल कुटुंबासमवेत राहूनही मुलांना अपेक्षित यश मिळत नाही. मात्र, आई- वडील, तसेच इतर नातेवाईकांपासून दूर राहत वनवासी कल्याण आश्रमातील एक तरुण पोलिस झाल्याने त्याचे सर्वत्र कौतुक होत आहे.
आपल्या या यशात वनवासी कल्याण आश्रमाचे व्यवस्थापक, कार्यकारी मंडळ अधिकारी, पदाधिकारी, ‘टारगेट अॅकॅडमी’चे सोनेश पवार, ‘संकल्प प्रतिष्ठान’चे सुदाम ओंबळे आणि ‘रोबोकॉब कॉम्प्युटर्स’चे विजय जाधव यांनी केलेल्या मार्गदर्शनामुळे यश मिळाल्याचे त्याने सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.