कोरोना विरूध्दची लढाई आरोग्य कर्मचाऱ्यासह `ते` आठजण जिंकले

खडकवासला (पुणे) : पुणे महापालिकेच्या आरोग्य विभागात चालक म्हणून कार्यरत असलेल्या 52 वर्षाच्या कर्मचाऱ्याला कोरोनाची लागण झाली होती. ती लढाई जिंकून ते घरी परतले. त्यांच्यासह आठ नातेवाईक घरी आले. खानापूर परिसरातील ग्रामस्थांनी त्यांचे टाळ्या वाजून फुलांची उधळण करत स्वागत केले. 

पुण्यातल्या `त्या` भीती वाटणाऱ्या जागा अन् कीर्ररररर....शांतता!

सदर व्यक्ती पालिकेच्या टिळक रस्त्यावरील कार्यालयात आरोग्य विभागात चालक म्हणून कार्यरत होते. कोरोनाच्या संदर्भात अत्यावश्यक सेवेत ते काम करत होते. आजारी असल्याने ते खासगी रुग्णालयात दाखल झाले होते. तेथे त्यांची चाचणी करण्यात आली. त्यावेळी त्यांना कोरोनाची लागण  झाल्याचे स्पष्ट झाले. त्यानंतर त्यांच्या घरातील त्याच्या जास्त संपर्कात आलेल्या नातेवाईक व ग्रामस्थांची तपासणी करण्यात आली.

पुण्यात स्टिल आणि सिमेंटची कृत्रिम दरवाढ

त्यांच्यासह एकूण दहा जणांना दहा जणांना लागण झाली होती. त्यातील आठ जण आज घरी परतले आहेत. अन्य दोघांच्या वर उपचार सुरू आहेत. त्यांचे स्वागत करण्यासाठी खानापूरचे उपसरपंच अमित पवार, ग्रामसेवक सुनील खैरनार, समुदाय आरोग्य अधिकारी डॉ. तांबोळी, फौजदार ऋतुजा मोहिते, पोलीस पाटील गणेश सपकाळ, शिवसेनेचे मतदार संघाचे प्रमुख नितीन वाघ, मणेरवाडीचे माजी उपसरपंच तानाजी थोपटे, लाला जावळकर नंदू जावळकर,  नारायण जवळकर,  श्रीनाथ देवस्थान ट्रस्टचे अध्यक्ष अनिल जवळकर उपस्थित होते. आरोग्य विभागाने दिलेल्या नियमांचे पालन करुन स्वागत करण्यात आले. 

पुण्याच्या इतर बातम्या वाचण्यासाठी येथे- क्लिक करा