Pune infrastructure Project: नितीन गडकरींची मोठी घोषणा! पुण्यातील पायाभूत सुविधांसाठी भूमिपूजन १५ दिवसांत, पुणे–नागपूर प्रवास फक्त साडेचार तासांत हाेणार..

पुणे: पुण्यातील वाहतूक कोंडीवर कायमस्वरूपी तोडगा काढण्यासाठी पायाभूत सुविधांवर मोठ्या प्रमाणात खर्च केले जाणार आहे. पुण्याच्या चारही दिशांनी होणारी कोंडी सोडविण्यासाठी विविध रस्ते प्रकल्प मार्गी लागणार आहेत. पुण्यात सुमारे ५० हजार कोटीचे रस्ते प्रकल्प होणार असून, त्या कामांचे भूमिपूजन येत्या १५ दिवसांत होणार असल्याची माहिती केंद्रीय रस्ते व परिवहन मंत्री नितीन गडकरी यांनी दिली.