पुणे : शहरातील कोरोना विषाणूचा वाढता प्रादुर्भाव रोखण्यासाठी प्रशासनाकडून सर्वतोपरी प्रयत्न करण्यात येत आहेत. त्यातच शहरासह राज्यात जमावबंदी लागू करण्यात आली आहे. तरीही गुलटेकडी मार्केट यार्डात रविवारी भाजीपाला, फळे, किराणा, धान्य खरेदीसाठी मोठी गर्दी उसळलेली होती. गुढीपाडव्यासाठी आंबे, फुले आणि किराणा खरेदीसाठी नागरिकांनी गर्दी केली होती.
दरम्यान, शिवनेरी पथ रस्त्यावर सकाळपासूनच वाहतूक कोंडी आहे. बाजार समिती कर्मचारी सकाळ पासून गर्दी कमी करणे, वाहतूक कोंडी होऊ नये यासाठी करत आहेत. परंतु गर्दी मोठ्या प्रमाणावर झाल्याने त्यांची ही दमछाक झाली आहे.
हे वाचा - पुण्यावर मोदी सरकारची अवकृपा; लशीचे डोस दिलेच नाहीत!
लॉकडाऊन जाहीर होण्याच्या भितीने शहरातील सामान्य नागरिक, व्यापारी यांची बाजारात झुंबड उडाली आहे. नागरिक पंधरा दिवसांच्या भाजीपाला, फळे खरेदी करत आहेत. गेल्या काही दिवसांपासून बाजार सुरुळीत सुरू होता. परंतु आज गर्दीमुळे कुठे काय चालू आहे काहीही समजत नाही. नागरिकांना भाजीपाला, फळे, अन्न धान्य मिळण्यासाठी मार्केट यार्डात नियमित सुरू राहण्याची गरज असल्याचे मत मार्केट यार्डातील व्यापाऱ्यांनी व्यक्त केले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.