जुन्नर : कोरोनाच्या पार्श्वभूमीवर देशभरात सध्या लॉकडाऊन लागू आहे. सर्व व्यवहार बंद असले तरी जुन्नरमध्ये बांधकामे सुरु असल्याचे निदर्शनास आले. बांधकामे सुरू ठेवणाऱ्या तिघांना जुन्नर नगरपालिकेने नोटिसा बजावल्या असून, संबंधितांनी कामे बंद केली असल्याचे मुख्याधिकारी डॉ. जयश्री काटकर यांनी सांगितले.
याबाबतची जुन्नरचे नगराध्यक्ष शाम पांडे यांच्या स्वमालकीच्या जागेत बांधकाम सुरू असल्याची चित्रफीत सोशल मीडियावर व्हायरल झाल्याने नागरिक आश्चर्य व्यक्त करत आहेत. नागरिकांत याविषयी उलटसुलट प्रतिक्रिया उमटत असून, लॉकडाऊनचे निर्बंध झुगारून काम सुरू ठेवणाऱ्यांवर कारवाईची मागणी होत आहे.
नगराध्यक्ष शाम पांडे म्हणाले, माझ्या मालकीच्या जागेतील सामाईक भिंतीचे काम पावसाळ्यात शेजारच्या घरांना त्रास होऊ नये, म्हणून सोशल डिस्टन्सिंग पाळून करण्यात येत होते.
पुण्याच्या बातम्या वाचण्यासाठी येथे ► क्लिक करा
जुन्नर शहर इंजिनियर कॉन्ट्रॅक्टर बिल्डर असोसिएशनचे अध्यक्ष मुकेश ताजणे यांनी सांगितले, लॉकडाऊनच्या काळात आमच्या असोसिएशनच्या सर्व सदस्यांनी खाजगी, व्यावसायिक बांधकामे बंद ठेवली होती. परंतु सर्वच बांधकामे ठप्प झाल्याने सोशल डिस्टन्सिंगचा अवलंब करत नियम अटीचे पालन करण्याची हमी देऊन आम्हाला बांधकाम करण्याची परवानगी मिळावी, अशी मागणी आम्ही प्रशासनाकडे केली असता अशाप्रकारे परवानगी देण्यात येत नसल्याचे आम्हाला सांगण्यात आले होते. यामुळे आम्ही बांधकामे बंद ठेवली होती.
पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.