पुणे - येरवडा कंटेन्मेंट परिसर आहे. याठिकाणी दररोज डझनभर कोविड-१९ च्या रुग्णांची भर पडत आहे. स्वॅब चाचणीसाठी आघाडीवर असलेल्या पुणे महापालिकेला सोमवारी स्वॅब चाचणीसाठी किटच उपलब्ध नसल्याची धक्कादायक माहिती उजेडात आली आहे. येरवड्यातील वीर लहुजी वस्ताद साळवे ई - लर्निंग स्कूलमध्ये स्वॅब किट नसल्यामुळे संशयित रुग्णांना घरीच क्वॉरंटाइन राहण्याचा सल्ला दिला. त्यामुळे कोरोनाचा संसर्ग कसा रोखायचा, याबाबत प्रश्‍न चिन्ह निर्माण झाले आहे.
- पुण्याच्या बातम्या वाचण्यासाठी येथे ► क्लिक करा
पुणे शहरात येरवडा परिसरात कोरोनाचा संसर्ग वाढत आहे. येरवड्यात यापूर्वी दररोज दीडशे ते दोनशे संशयित रुग्णांची स्वॅब चाचणी केली जात होती. मात्र, सोमवारपासून भारतीय जैन संघटनेचे स्वॅब सेंटर बंद करण्यात आले. त्यामुळे स्वॅब चाचणीसाठी मोठ्या प्रमाणात रुग्णांनी महापालिकेच्या वीर लहुजी वस्ताद साळवे ई- लर्निंग स्कूलमधील चाचणी केंद्रावर गर्दी केली. मात्र, येथे केवळ पन्नास स्वॅब किट असल्यामुळे ते दुपारपूर्वीच संपून गेले.
दरम्यान, येरवडा परिसरात स्वयंसेवक जगदीश भंडारे व रघुवीरसिंग भादा हे ‘ऑक्‍सिमीटर’वर पन्नास वर्षांपुढील नागरिकांचे शरीरातील ऑक्‍सिजनचे प्रमाण घेत होते. त्यांच्या तपासणीत काही नागरिकांचे ऑक्‍सिजनचे प्रमाण ८० पेक्षा कमी आढळले. त्यांनी तत्काळ येरवडा क्षेत्रीय कार्यालयातील वैद्यकीय अधिकाऱ्यांना कळविले. स्वयंसेवक त्यांना स्वॅब तपासणीसाठी ई-लर्निंग स्कूलमध्ये घेऊन आले. तेथे स्वॅब किटच उपलब्ध नव्हते. त्यांनी शहरातील इतर स्वॅब केंद्रावर किटची चौकशी केली. मात्र, तेथेसुद्धा किट उपलब्ध नव्हते. त्यामुळे संशयित रुग्णांना परत घरीच क्वारंटाइन करण्याचा सल्ला वैद्यकीय अधिकाऱ्यांनी दिला.
स्वयंसेवकांनी संशयित रुग्णांना घरी घेऊन जाऊन त्यांना एका खोलीतच राहण्यास सांगितले. नातेवाइकांना त्यांची काळजी घेऊन जेवण वेळेवर देण्यास सांगितले. येरवडा परिसरात तीस हजारांपेक्षा अधिक घरांची संख्या आहे. येथील दाट लोकवस्तीमुळे कोरोनाचा संसर्ग वाढत आहे. अशा वेळी स्वॅब सेंटरवर किटची उपलब्धता पुरेशी नसेल तर कोरोनावर मात कसे करायचे, असा प्रश्‍न स्वयंसेवकांना पडला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.