पुणे : शहरातील कोरोना बाधितांचा हॉटस्पॉट म्हणून भवानीपेठ क्षेत्रीय कार्यालयाकडे पाहिले जात होते. परंतु गेल्या महिन्याभरात ही ओळख पुसण्यात या क्षेत्रीय कार्यालयास यश आले आहे.
दरम्यान, एकेकाळी नंबर एकवर असलेल्या या क्षेत्रीय कार्यालयाने घरटी सर्व्हेक्षण.. सर्दी, ताप. खोकला असेल, तर तातडीने उपचार या अशा उपयोजना राबविल्यामुळे दहाव्या नंबर आले आहे. सध्या या क्षेत्रीय कार्यालयातील उपचार घेणाऱ्यांची संख्या केवळ 121 एवढीच आहे. आतापर्यंत 846 रूग्ण या क्षेत्रीय कार्यालयातंर्गत सापडले होते.
पुणे शहरात कोरोना बाधित पहिला रुग्ण नऊ मार्च रोजी आढळून आला. त्यास चार दिवसांनी तीन महिने होत आहेत. या तीन महिन्यांच्या कालावधित पुणे शहरातील कोरोना बाधितांची संख्या 7 हजार 265 हून अधिक झाली आहे. क्षेत्रीय कार्यालयानिहाय रुग्णांची संख्या किती आहे, याची आकडेवारी महापालिकेकडून दररोज प्रसिद्ध केली जाते. त्यानुसार गुरूवारी (ता. 4) जाहीर करण्यात आलेल्या आकडेवारीनुसार सर्वाधिक रूग्णांची संख्या ही ढोलेपाटील क्षेत्रीय कार्यालयाच्या हद्दीत असल्याचे दिसून आले आहे. त्या खालोखाल येरवडा-कळस- धानोरी तर तिसऱ्या क्रमांकावर भवानी पेठे क्षेत्रीय कार्यालयातंर्गत रूग्णांची संख्या असल्याचे समोर आले आहे.
भवानी पेठ क्षेत्रीय कार्यालयांतंर्गत रूग्णांची संख्या 865 असली, तर त्यामध्ये उपचार घेणाऱ्या रूग्णांची संख्या ही केवळ 121 असल्याचे या आकडेवारी वरून समोर आले आहे. आजपर्यंत सापडलेल्या बाधितांच्या संख्येत तिसऱ्या क्रमांवर हे क्षेत्रीय कार्यालय असले, तरी उपचार घेणाऱ्या रूग्णांची संख्या पाहिली, तर दहाव्या क्रमांकावर आहे.
शहरात सर्वाधिक रग्ण आढळून आलेले आणि उपचार घेत असलेल्या रूग्णांची संख्या ही ढोलेपाटील क्षेत्रीय कार्यालयाच्या परिसरात आहे. या क्षेत्रीय कार्यालयातंर्गत आजपर्यंत आढळून आलेल्या बाधित रूग्णांची संख्या ही 1560 एवढी असून त्यामध्ये उपचार घेणाऱ्यांची संख्या ही जवळपास 509 एवढी आहे. त्या खालोखाल येरवडा -कळस-धानोरी क्षेत्रीय कार्यालयांतंर्गत आजपर्यंत बाधितांची संख्या 935 असून उपचार घेणाऱ्यांची संख्या 289 एवढी आहे.
पुण्याच्या इतर बातम्या वाचण्यासाठी येथे- क्लिक करा
महापालिकेकडून पंधरा क्षेत्रीय कार्यालयानुसार प्रसिद्ध करण्यात आलेल्या आकडेवारी पुढील प्रमाणे (आजपर्यंत आढळून आलेल्या बाधित रूग्णांची संख्या आणि कंसात उपचार घेत असलेल्यांची संख्या पुढीलप्रमाणे)
ढोलेपाटील क्षेत्रीय कार्यालय- 1 हजार 560 ( 509), भवानीपेठ : 865 (121), घोले रोड क्षेत्रीय कार्यलय - 624 (183) , येरवडा- कळस-धानोरी क्षेत्रीय कार्यालय- 935 (289), कसबा विश्रामबाग वाडा क्षेत्रीय कार्यालय- 646 ( 151), वानवडी-रामटेकडी क्षेत्रीय कार्यालय- 431 (184) बिबवेवाडी क्षेत्रीय कार्यालय- 504 (213), नगर रस्ता- वडगावशेरी क्षेत्रीय कार्यालय- 258 (180), धनकवडी- सहकारनगर क्षेत्रीय कार्यालय- 300 (76), हडपसर- मुंढवा क्षेत्रीय कार्यालय- 283 (137), कोंढवा- येवलेवाडी क्षेत्रीय कार्यालय - 112 (34), , औध - बाणेर क्षेत्रीय कार्यालय- 48 (40), कोथरूड- बावधन क्षेत्रीय कार्यालय- 46 (23), सिंहगड रस्ता क्षेत्रीय कार्यालय- 280 (204), वारजे- कर्वेनगर क्षेत्रीय कार्यालय - 48 ( 13).
पुणे महापालिकेची पंधरा क्षेत्रीय कार्यालये आहेत. कालपर्यंत पुणे शहरातील कोरोना बाधित रूग्णांची संख्या ही 6 हजार 93 वर पोचली आहे. त्यापैकी आठ क्षेत्रीय कार्यालयांच्या अंतर्गत असलेल्या रूग्णांची संख्या ही 4 हजार 907 आहे. तर सात क्षेत्रीय कार्यालयात अंतर्गत असलेल्या रूग्णांची संख्या ही 1 हजार 186 असल्याचे महापालिकेने दिलेल्या आकडेवारीवरून समोर आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.