पुण्यात रुग्णांपेक्षा वाढले कोरोनामुक्त 

पुणे  नव्या रुग्णांची संख्या वाढण्याची भीती असतानाच शुक्रवारी (ता. 5) मात्र, रुग्णांपेक्षा कोरोनामुक्तांची संख्या वाढली आहे. दिवसभरात 182 रुग्ण सापडले आणि 183 जण कोरोनामुक्त झाले. तर नऊ जणांचा मृत्यू झाला. मृतांमध्ये सहा महिलांचा समावेश आहे. 

ताज्या बातम्यांसाठी डाऊनलोड करा ई-सकाळचे ऍप

विविध रुग्णालयांतील 183 रुग्णांची प्रकृती गंभीर असून, त्यातील 45 रुग्ण व्हेंटिलेटरवर आहेत. मृतांमध्ये 45 ते 50 पेक्षा अधिक वयोगटातील रुग्णांचा समावेश आहे. त्यांना अन्यही आजार आहेत. दिवसभरात 1 हजार 656 जणांची तपासणी झाली.

मृतदेह नेण्यासाठी नागरिकांनी काढले पत्रे; जयभवानी नगरमधील घटना!

कोंढव्यातील 49 वर्षीय महिलेचा मृत्यू झाला असून, त्यांना उपचारासाठी गुरुवारी दाखल केले होते. त्यानंतर शुक्रवारी सकाळी त्यांचा मृत्यू झाला. त्यांना मधुमेह होता. याच भागातील 72 वर्षीय महिलेचा बळी गेला आहे. त्या 26 मेपासून रुग्णालयात होत्या. या महिलेला मधुमेह, उच्च रक्तदाब, हृदयाचा आजार होता. घोरपडीतील 63 वर्षांच्या महिलेचा मृत्यू झाला आहे. त्यांच्यावर 30 मेपासून उपचार सुरू होते. या महिलेला उच्च रक्तदाब, मूत्रपिंड आणि हृदयाचा त्रास होता. कोरेगाव पार्कमधील 64 वर्षांच्या महिलेवर 2 जूनपासून उपचार सुरू होते. त्यांचा शुक्रवारी मृत्यू झाला असून, या महिलेला उच्चरक्तदाब, मधुमेह होता. लष्कर परिसरातील 80 वर्षांच्या महिलेचा मृत्यू झाला आहे. सध्या 2 हजार 402 रुग्णांवर उपचार सुरू आहेत. 

पुण्याच्या बातम्या वाचण्यासाठी येथे  क्लिक करा