पुण्यात दिड लाखाचा हुक्का फ्लेवर, तर दोन लाखाचे कोकेन जप्त; पाहा कोठे? कशी झाली कारवाई?

पुणे : कॅम्प परिसरामध्ये बेकायदा हुक्का फ्लेवरची विक्री करणाऱ्या दुकानामध्ये गुन्हे शाखेने छापा घातला. त्यामध्ये दिड लाख रुपयांचा ऐवज पोलिसांनी जप्त केला. याबरोबरच कोकेन विक्री करणाऱ्या नायझेरीयन नागरीकास अटक करुन त्याच्याकडून दोन लाख रुपयांचे कोकेन जप्त करण्यात आले. 

ताज्या बातम्यांसाठी डाऊनलोड करा ई-सकाळचे ऍप

साजीद शेख हसन (वय 40, रा. कॅम्प) असे गुन्हा दाखल करण्यात आलेल्या दुकानदाराचे नाव आहे. कॅम्प परिसरामध्ये एका दुकानामध्ये बेकायदा हुक्का फ्लेवरची विक्री केली जात असल्याची खबर गुन्हे शाखेच्या अंमली पदार्थ विरोधी पथकाच्या अधिकारी व कर्मचाऱ्यांना मिळाली होती. त्यानुसार पोलिसांनी संबंधीत दुकानामध्ये छापा घातला. त्यावेळी हसन याच्या दुकानामध्ये एक लाख 52 हजार रुपयांचा तंबाखुयुक्त हुक्का फ्लेवर आढळला. पोलिसांनी त्यास ताब्यात घेऊन त्याच्याविरुद्ध लष्कर पोलिस ठाण्यात गुन्हा दाखल केला. 

पंतप्रधान मोदींच्या निवासस्थानी आग; आगीची तीव्रता कमी, आगीचे कारण अस्पष्ट

कोंढव्यात कोकेन विक्री करण्यासाठी एक नायजेरिन तरुण येणार असल्याची खबर अमंली पदार्थ विरोधी पथकास मिळाली होती. त्यानुसार, पोलिसांनी कोंढवा येथे सापळा रचून तरुणास ताब्यात घेतले. त्याच्याकडून दोन लाखांचे कोकेन जप्त केले. नादी ओडीनाका हेंद्री (वय 34 . रा. मॅजेस्टिक सोसायटी कोंढवा) पोलिसांनी अटक केलेल्या नायझेरीयन व्यक्तीचे नाव आहे