हडपसरमध्ये तडीपार गुंडाला अटक; गावठी पिस्टल, चार जिवंत काडतुसे सापडली

हडपसर : गावठी बनावटीचे पिस्टल व चार जिवंत काडतुसे बाळगल्याप्रकरणी हडपसर पोलिसांनी एका गुन्हेगाराला अटक केली आहे. तसेच हि कारवाई करत असताना एका तडीपार गुन्हेगाराला जेरबंद केले आहे. 

अजय उर्फ डी. दिलीप लाळगे (वय २६, रा. भगतसिंग कॅालनी, गोंधळेनगर, हडपसर) असे पिस्टल बाळगलेल्या आरोपीचे नाव आहे. तर तडीपार असलेल्या विनीत रविंद्र इंगळे (वय २१, रा. राहूल कॅालनी, सातववाडी, हडपसर) याला पोलिसांनी जेरबंद केले आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा 

पोलिस कर्मचारी नितीन मुंढे यांना बातमीदारामार्फत माहिती मिळाली की, गोंधळेनगर येथील लोंखडी पुलाजळ लाळगे हा रस्त्यावर बुलेट मोटार सायकलवर बसलेला असून त्याच्याकडे पिस्टल आहे. त्यानंतर पोलिस हवलदार प्रदिप सोनवणे, समिर पांडूळे, निखील पवार, प्रशांत धुमाळ, शशिकांत नाळे, प्रशांत टोणपे यांनी सापळा रचून लाळगे व इंगळे याला अटक केली. पुढील तपास वरिष्ठ पोलिस निरिक्षक बाळकृष्ण कदम यांच्या मार्गदर्शनाखाली सुरू आहे.
 

काय सांगता! ट्रकपेक्षाही विमानाचं इंधन स्वस्त