Pune Crime : घरफोडीतील दागिने विकण्यासाठी आलेल्या चोरट्यास अटक

पुणे : घरफोडीतील सोन्याचे दागिने विकण्यासाठी आलेल्या सराईत गुन्हेगाराला गुन्हे शाखेच्या युनिट दोनच्या पथकाने अटक केली. आरोपीच्या ताब्यातून १०७ ग्रॅम सोन्याचे दागिने, दुचाकी, इलेक्ट्रॉनिक मशिन असा मुद्देमाल जप्त केला आहे.

जयवंत ऊर्फ जाड्या गोवर्धन गायकवाड (वय ३४, रा. आंबेडकर वसाहत, औंध) असे अटक केलेल्याचे नाव आहे. तो चोरीचे सोन्याचे दागिने विकण्यासाठी मीनाताई ठाकरे वसाहतीमध्ये येणार असल्याची माहिती पोलिस अंमलदार गजानन सोनुने आणि संजय जाधव यांना मिळाली. त्यानुसार गुन्हे शाखेचे पोलिस उपायुक्त अमोल झेंडे, सहायक आयुक्त सुनील तांबे यांच्या सूचनेनुसार युनिट दोनचे पोलिस निरीक्षक नंदकुमार बिडवई यांच्या पथकाने चोरट्याला ताब्यात घेतले.