पुणे : त्याच्याकडे होते तीन किलो अफिम; मग पोलिसांनी...

पिंपरी : पंधरा लाख रूपये किंमतीचा तीन किलो अफिम बाळगणाऱ्या तरुणाला गुन्हे शाखेच्या अंमली पदार्थ विरोधी पथकाने अटक केली. ही कारवाई तळेगाव रेल्वे स्थानकावर गुरूवारी (ता. 20) दुपारी करण्यात आली.

ताज्या बातम्यांसाठी डाऊनलोड करा ई-सकाळचे ऍप

राजेंद्र सुवर्णा शेखर सालीयाना (वय 28, रा. सहारगाव, अंधेरी, ईस्ट मुंबई, मूळ-कर्नाटक) असे आरोपीचे नाव आहे. गुरुवारी सकाळी बाराच्या सुमारास एकजण तळेगाव रेल्वे स्थानकाच्या सिमाभिंतीजवळील वरद हार्डवेअर दुकानासमोर हातात पिशवू घेवून संशयास्पदरित्या उभा असल्याची माहिती पोलिसांना मिळाली. त्यानुसार सापळा रचून सालीयाना याला ताब्यात घेण्यात आले.

फाशीपासून वाचण्यासाठी निर्भया बलात्कार प्रकरणातील दोषीची नवी चाल

त्याच्याकडे सखोल चौकशी करीत अंगझडती घेतली असता त्याच्याकडे 15 लाख रूपये किंमतीचे तीन किलो वजनाचे अफिम सापडले. हे अफिम तो विक्रीसाठी घेवून जात असल्याचे समोर आले. त्याच्याकडील माल जप्त केला असून तळेगाव दाभाडे पोलिस ठाण्यात गुन्हा दाखल करण्याचे काम सुरू आहे.