लोणी काळभोर (पुणे) : कदमवाकवस्ती (ता. हवेली) येथील रहिवाशी मात्र हडपसर परिसरातील एका नामांकित कपंनीमधील एक तेवीस वर्षीय कामगार कोरोना बाधित असल्याचे गुरुवारी (ता. ११) आढळून आला आहे.
दरम्यान, वरील तेवीस वर्षीय कामगार कोरोना बाधित व तरुणाला हडपसर येथील हॉस्पिटलमध्ये उपचारासाठी दाखल केले आहे. वरील तरुणाच्या संपर्कात आलेल्या तीन जणांचे स्वॅब तपासणीसाठी पाठवण्यात आले असून, वरील तीनही जणांना होम क्वारटांइन करण्यात आल्याची माहिती, लोणी काळभोर येथील प्राथमिक आरोग्य केंद्रांचे आरोग्य अधिकारी डॉ. डी. जे. जाधव यांनी दिली आहे.
कदमवाकवस्ती ग्रामपंचायत हद्दीत मागिल दोन महिन्याच्या कालावधीत कोरोनाचे सात रुग्ण आढळून आले होते. यातील एकाचा मृत्यू झाला होता. तर सात जण उपचार घेऊन घरी परतले आहे. मागिल आठवडाभऱापासून कोरोनाचा एकही रुग्ण आढळून न आल्याने कदमवाकवस्ती ग्रामपंचायत कोरोना फ्रि झाली होती. मात्र पठारे वस्तीमधील वरील तरुणाचा कोरोना रिपोर्ट गुरुवारी दुपारी बाराच्या सुमारास पॉझिटीव्ह आल्याने, नागरिकांमध्ये निराशेचे वातावरण पसरले आहे.
याबाबत अधिक माहिती देताना डॉ. डी. जे. जाधव म्हणाले, हडपसर परीसरातील एका नामांकित कपंनीमधील एक तेवीस वर्षीय कामगारास बुधवारी कोरोनाची लक्षणे जाणवू लागल्याने, संबधित कामगारास नोबल हॉस्पिटलमध्ये दाखल केले होते. नोबल रुग्णालय प्रशासनाने केलेला स्वॅब तपासणी अहवाल पॉझिटीव्ह आला आहे. दरम्यान वरील तरुणाच्या संपर्कात आलेल्या तीनही जणांचे स्वॅब तपासणीसाठी पाठवला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.