भोर (पुणे) - महिलेशी असभ्य आणि तिला लज्जा उत्पन्न होईल असे वर्तन केलेल्या आरोपीस भोरच्या न्यायालयाने एक वर्षांच्या साध्या कैदेची आणि एक हजार रुपये दंडाची शिक्षा सुनावली. सदाशिव तुकाराम भालेघरे (रा. केंजळ) असे शिक्षा केलेल्या आरोपीचे नाव असून भोरचे प्रथमवर्ग न्यायाधीश एस. के. मुळे यांनी मंगळवारी (ता.२३) ही शिक्षा सुनावली. याबाबतची हकीकत अशी, ३० एप्रिल २०१७ रोजी आरोपी याने शेजारच्या गावातील महिलेच्या घरात जाऊन अश्लिल बोलून तीचा हात धरून विनयभंग केला.
संबंधीत महिलेने राजगड पोलिस ठाण्यात फिर्याद दिल्यानंतर तपासी अंमलदार डी. बी. सवाणे यांनी न्यायालयात दोषारोपत्र दाखल केले. न्यायालयाने पाच साक्षीदारांची साक्ष नोंदवली आणि कागदपत्रांची पाहाणी केली. त्यानंतर न्यायाधीश एस. के. मुळे यांनी आरोपी सदाशिव यास एक वर्षांच्या साध्या कैदेची आणि एक हजार रुपये दंडाची शिक्षा सुनावली. सरकारी वकील एस. एम. धुमाळ व एस. एम. अरणे यांनी न्यायालयात बाजू मांडली. त्यांना राजगड पोलिस ठाण्यातील पोलिस हवालदार विठ्ठल महांगरे व दीपक धुमाळ यांनी सहकार्य केले. तसेच प्रभारी पोलिस अधिकारी म्हणून पोलिस निरीक्षक सचिन पाटील यांनी काम पाहिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
