भारतीय नौदलात अधिकारीपदासाठी ऑनलाइन अर्ज प्रक्रिया सुरू

भारतीय नौदलात अधिकारी होण्याची संधी युवक युवतींना मिळणार आहे. नौदलाच्या वतीने शॉर्ट सर्व्हिस कमिशन (एसएससी) अंतर्गत अधिकारी पदासाठी अर्ज प्रक्रिया सुरू करण्यात आली.
Indian Navy Recruitment
Indian Navy Recruitmentesakal

पुणे - भारतीय नौदलात अधिकारी होण्याची संधी युवक युवतींना मिळणार आहे. नौदलाच्या वतीने शॉर्ट सर्व्हिस कमिशन (एसएससी) अंतर्गत अधिकारी पदासाठी अर्ज प्रक्रिया सुरू करण्यात आली आहे. यात विविध विभागांमध्ये १८१ जागांसाठी अर्ज मागविण्यात येणार आहेत.

ही प्रवेश प्रक्रिया महिला व पुरुष उमेदवारांसाठी असून यामध्ये लेखी परिक्षा नसून थेट सर्व्हिस सिलेक्शन बोर्डाच्या (एसएसबी) मुलाखती होणार आहेत. त्यासाठी पदवीतील गुणांच्या आधारावर उमेदवारांना एसएसबी प्रक्रियेसाठी निवडण्यात येणार आहे. या प्रवेश प्रक्रियेसाठी मान्यताप्राप्त विद्यापीठातून बीई, बी.टेक, एम.ए, बी.एस्सी, बी.कॉम, एम.एस्सी किंवा एमसीए केलेल्या उमेदवारांना अर्ज भरता येईल. तसेच, उमेदवारांना पदवी किंवा पदव्युत्तर पदवीमध्ये ६० टक्के गुण मिळवलेले असणे आवश्‍यक आहे.

Indian Navy Recruitment
बारावीच्या निकालाबाबत तक्रारी नोंदविण्यासाठी २५ सप्टेंबरपर्यंत मुदत

यासाठी उमेदवारांना ५ ऑक्टोबरपर्यंत अर्ज भरता येईल. इच्छुक उमेदवारांना याबाबतच्या अधिक माहिती किंवा ऑनलाइन अर्ज भरण्यासाठी  joinindiannavy.gov.in या नौदलाच्या अधिकृत संकेतस्थळाचा वापर करता येईल. तसेच, इच्छुक उमेदवारांना २१ सप्टेंबरपासून अर्ज भरता येईल.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com